Ինչպես վերականգնել տեսքը ծննդաբերությունից հետո – մաս 2

Մաշկը կորցնում է բնական փայլն ու թարմ տեսքը: Առաջին պատճառը մաշկի թույլ խոնավությունն  է, այնպես որ լավ կանեք` օրական երկու անգամ խոնավացնող քսուքներ եւ հաճախակի հեղուկ օգտագործեք: Մաշկի շերտազատումը կարող է նպաստել նոր մաշկի աճին: Ցանկալի է ոչ թե հղկող, այլ մրգային սկրաբներ օգտագործել:

• Բշտիկներ

Հորմոնալ փոփոխությունների արդյունքում շատ հաճախ բշտիկներ են առաջանում: Դրանք ոչ միայն դեմքին, այլեւ մեջքին ու կրծքավանդակին են հայտնվում:   Հակասեպտիկ քիմիական միջոցները, ինչպես նաեւ պերօքսիդի լուծույթը համարվում են ագրեսիվ միջոցներ, հետեւաբար բշտիկների դեմ պայքարում լավ կանեք` օգտագործեք ոչ քիմիական միջոցներ: Գնեք խնդրահարույց մաշկի համար նախատեսված փրփուրներ  եւ օրական երկու անգամ լվացեք դեմքը: Լավ օգնական է նաեւ դեմքը մաքրող փափուկ խոզանակը:  Օգտակար են նաեւ կավի դիմակները, որոնք կարող եք դնել շաբաթը երկու անգամ:

Ծննդաբերությունից հետո հարկավոր է.

1.Քնել, երբ փոքրիկը քնած է

Շատ կանայք սկսում են տնային գործերով զբաղվել, երբ փոքրիկը քուն է մտնում: Արդյունքում` երբ երեխան արթնանում է, մայրն արդեն հոգնած է ու ի վիճակի չէ որեւէ բան անել: Փորձեք հակառակ սկզբունքը` քնեք, երբ փոքրիկը քնած է: Իսկ երբ արթնանաք միասին, հավաքած էներգիան կբավարարի բոլոր գործերին` երեխային կերակրելուց մինչեւ տան գործեր ու զբոսանք:

2. Լավ սնվել, շատ հեղուկ օգտագործել

Լակտացիայի ընթացքում լավ սնունդը շատ կարեւոր է: Կինն այդ ժամանակ շատ կալորիաների կարիք ունի, հետեւաբար մի վախեցեք սնվել լավ ու հաճախ: Այն չի անդրադառնա ձեր քաշի վրա, քանի որ կրծքով կերակրելու ընթացքում դուք շատ կալորիաներ եք կորցնում: Ընտրեք հեշտ պատրաստվող կերակուրներ, որոնք հնարավոր է  երկար պահել: Խմեք շատ ջուր եւ առանց շաքարի բնական հյութ: