Պահել փոքրիկի կաթնատամները, առաջին մազերը և այլն, ծնողների ամենասիրել զբաղմունքն է, որը տարիներ հետո դառնում է հրաշալի հիշողություն` վերստին պարգևելով անցյալում ապրած հաճելի պահերը վերապրելու հնարավորություն:
Կատարված հետազոտություններից պարզվել է, որ երեխաների կաթնատամները պահելը շատ կարևոր է, քանի որ դրանք հետագայում կարող են նրանց համար օգտակար դեղամիջոց դառնալ:
Պարզվում է` ցողունային բջիջները, որոնք կարելի է առանձնացնել կաթնատամից, կարող են հիանալի դեղորայքային միջոց դառնալ բազմաթիվ հիվանդությունների բուժման համար:
Գիտնականները, ցողունային բջիջներից բացի, ատամներում հայտնաբերել են նաև, այսպես կոչված, մեզենքիմային բջիջներ, որոնք կարող են բարձրացնել արյան բջիջների վերարտադրողական ֆունկցիան: Այս բացահայտումների շնորհիվ հնարավոր կդառնա բուժել Ալցհեյմերի և Պարկինսոնի համախտանիշ հիվանդությունները: Շատ մեծ հավանականություն կա, որ ցողունային բջիջները կբուժեն նաև արյան քաղցկեղը:
Կաթնատամներում պահպանված ցողունային բջիջների ուսումնասիրությամբ զբաղվող առաջին հիվանդանոցը բացվելու է Լոնդոնում, Թագավորական քոլեջում:
aysor.am