Խմբակ կարող են հաճախել բոլոր երեխաները` անկախ վարքի, հուզական և իմացական ոլորտի խնդիրներից: Մեր մասնագետները կօգնեն ապահով միջավայրում հաղթահարել այդ դժվարությունները: Երեխաների հետ կիրականացվեն զարգացնող խաղեր, արտթերապիա, հեքիաթթերապիա, ավազաթերապիա, ակտիվ վարժանքներ և այլ հոգեբանամանկավարժական մեթոդներ:
Երեխաների ծնողներին կտրամադրվեն մեթոդական նյութեր, բրոշյուրներ, որոնք կօգնեն ճիշտ մոտեցումներ
Մեր խմբակը կօգնի`
- հաղթահարել առկա հոգեբանական խնդիրները,
- զարգացնել երեխայի ինքնուրույնությունը, ինքնավստահությունը, շփման կարողությունը,
- վաղ ինտեգրում ապահովել տարբեր կարողություններով ապրող հասարակությանը,
- զարգացնել երեխաների իմացական և հուզակամային ոլորտը,
- խթանել հետաքրքրություններն ու ընդունակությունները,
- ապահովել արդյունավետ ժամանց,
- սեր առաջացնել երաժշտության և գրականության հանդեպ,
- անհրաժեշտ գիտելիքների պաշար ձևավորել,
- ձևավորել ակտիվ, նախաձեռնող, արժանապատիվ քաղաքացի:
Մեր կենտրոնը հագեցած չէ վառ գույներով, գերժամանակակից ու գրավիչ խաղալիքներով: Մենք առաջարկում ենք լիարժեք մասնագիտական աջակցություն, խաղի ժամանակ շփում բնական նյութերի հետ:
Մեր նպատակն է խթանել երեխայի ներդաշնակ զարգացումը և զերծ պահել նրան ժամանակակից տեղեկատվական տեխնոլոգիաների վնասակար ազդեցությունից:
Խմբերը գործելու են փետրվարի 1-ից: Խմբում երեխաների առավելագույն քանակը 6 հոգի է: Խմբակները գործելու են շաբաթական 2 օր` 2 ժամ տևողությամբ: Անհրաժեշտության դեպքում հնարավոր է ավելացնել հանդիպումների քանակն ու տևողությունը:
Մեկ ամսվա վճարը կազմում է 15.000 դր., մեկ այցելությանը՝ 2.500 դր.:
Գրանցվելու և լրացուցիչ տեղեկությունների համար զանգահարել 010 58 48 38 կամ 093 062 063 հեռախոսահամարով:
Տեղեկացրու նաև ընկերներիդ և բարեկամներիդ :)
«Երկուսով» հոգեբանական մասնագիտացված կենտրոն
Մոսկովյան 21, բն. 5 (անմիջապես Մոսկովյան և Տերյան փողոցների խաչմերուկում)