Միսը երեխայի սննդակարգում. բժիշկ Կոմարովսկու խորհուրդները

  (B12 վիտամինն առկա է միայն կենդանական ծագում ունեցող մթերքներում), օգտակար նյութեր (երկաթ, մագնեզիում, կալցիում, ֆոսֆոր), որոնցով հարուստ է մսամթերքը: 

Ե՞րբ պետք է միս տալ երեխային 

Միսը երեխայի սննդակարգ պետք է մտցնել 7-8 ամսականում: Ըստ բժշկական նկատառումների (սակավարյունություն, թերսնում և այլն)՝ մսամթերքը հնարավոր է ավելի վաղ ներառել երեխայի սննդակարգում (5-6 ամսական): Ինչպես ցանկացած տեսակի մթերք, մսային սոուսները ևս պետք է սկսել տալ աստիճանաբար` սկսած ½ թեյի գդալից: Միսը կարելի է խառնել բանջարեղենային, հացահատիկային խյուսի և կրծքի կաթի հետ: Հարկավոր է նշել, որ երեխաներին միս չի կարելի տալ կարտոֆիլի խյուսի հետ, քանի որ այդ մթերատեսակները միասին փոքրիկները վատ են մարսում: 

Ինչպիսի՞ միս է անհրաժեշտ տալ  վաղ հասակի երեխային

Խորհուրդ է տրվում նախապատվություն տալ նապաստակի կամ հնդկահավի մսին: Այն նվազ ալերգիկ է, պարունակում է բոլոր անհրաժեշտ նյութերը և հեշտությամբ է մարսվում: Այս տեսակ մսին ընտելանալուց հետո երեխայի սննդակարգ  կարելի է մտցնել հորթի միս, տավարի միս, խոզի միս, ձիու միս և հավի միս:

Եթե ինքներդ եք պատրաստում մսային խյուսը, ապա այն հարկավոր է եփել «երկրորդ» արգանակի մեջ (այսինքն՝ ամեն անգամ եռացող ջուրը հարկավոր է թափել և փոխարենը լցնել թարմ ջուր): Միսը կարելի է մանրացնել բլենդերով կամ անցկացնել քերիչով: