Շոկոլադով եւ բանանով շիլա

Անհրաժեշտ է

Սպիտակաձավար - 80 գրամ

Շոկոլադ - 2 թ/գ

Բանան - 1 հատ

Սերուցք (33%-անոց) - 100 գրամ

Կիտրոնի հյութ - ½ թ/գ

Կաթ - 280 մլ

Պնդուկ՝ ըստ ճաշակի

Պատրաստման եղանակը

1.Կաթը լցրեք փոքր կաթսայի մեջ եւ եռացրեք:

2.Սպիտակաձավարն աստիճանաբար լցրեք տաք կաթի մեջ եւ արագ խառնեք, որպեսզի գնդիկներ չառաջանան:

3.Ապա միջին կրակի վրա անընդհատ խառնելով՝ եփեք, մինչեւ պնդանա (5 րոպե):

4.Շիլան կրակից վերցրեք եւ ավելացրեք 2 թ/գ շոկոլադ: Կաթսան փակեք:

Բանանով սոսուս պատրաստելու համար՝

1.Մաքրեք բանանը, կտրատեք, ապա հարիչով հարեք: Ավելացրեք ½ թ/գ կիտրոնի հյութ, սերուցք, 1 թ./գ շաքարավազ եւ հարեք, մինչեւ միասեռ զանգված դառնա: Ստացված զանգվածը լցրեք սոուսի համար նախատեսված ափսեի մեջ:

Շիլան լցրեք ափսեի մեջ եւ վրան ավելացրեք մանրացրած պնդուկ:

Մատուցեք բանանի սոուսով:

Բարի ախորժակ