Օրեր առաջ «Ա1+» -ին Երևան քաղաքի Կենտրոն վարչական շրջանի թիվ 9 մանկապարտեզի ծնողներից մեկն ահազանգեց, որ իրենց մանկապարտեզում ջրծաղիկի կարանտին է հայտարարված։
Երբ զանգահարեցինք մանկապարտեզ՝ նկարահանումներ անելու, մեզ չթույլատրեցին նկարահանումներ անցկացնել՝ պատճառաբանելով որ մանկապարտեզում կարանտին է ջրծաղիկի։
Տեղեկությունը հաստատեցին նաև մանկապարտեզի տնօրենն ու բուժքույրը։ Իսկ թե քանի երեխա չի հաճախում մանկապարտեզ և ինչքան ժամանակ, մանկապարտեզի տնօրենը խորհուրդ տվեց պարզել Կենտրոն վարչական շրջանի կրթության վարչությունից և չներկայանալով՝ հեռախոսն անջատեց։
Առողջապահության նախարարությունից «Ա1+»-ին հայտնեցին, որ իրենք զրուցել են մանկապարտեզի տնօրենի հետ։ Վերջինս հերքել է կարանտինի մասին լուրերը։
«Մանկապարտեզում ջրծաղիկի վերջին դեպքը եղել է մայիսի 15-ին, այսօր որևէ սահմանափակող միջոցառում մանկապարտեզում չի արվում»,-նշեց Առողջապահությա նախարարության Հիգիենիկ Հակահամաճարակային ծառայության գլխավոր մասնագետ Լիլիթ Պարոնյանը։
Քաղաքապետարանից նունպես խոստացան մեզ ինֆորմացիա տրամադրել, սակայն ամբողջ օրվա ընթացքում որևէ տեղեկություն չհայտնեցին։