«Իմ փոքրիկ»-ի հայտարարած «Փոքրիկ նկարիչը» մրցույթի հաղթողները հայտնի են:
Չնայած մրցույթի մասնակից բոլոր փոքրիկներն էլ տաղանդավոր են ու արժանի մրցանակի, սակայն, ըստ մրցույթի կարգի`մրցանակային տեղերը երեքն են: Ուստի ժյուրին երկար քննարկումների ու քվեարկության արդյունքում ընտրել է երեք լավագույններին, որոնք էլ հատուկ նվեր կստանան մրցույթի հովանավոր «Անտարես» հրատարակչության կողմից:
Մրցանակակիր փոքրիկներին «Անտարես» հրատարկչությունը կնվիրի հետևյալ գրքերը.
Առաջին մրցանակը ստացած փոքրիկը նվեր կստանա «Փոքրիկների խնդրագիրք» և Վիլյամ Սարոյանի «Հին երկրից բերած խրատական առակներ» գրքերը:
Երկրորդ մրցանակակիր փոքրիկը կստանա «Նմանություններ և տարբերություններ» գիրքը, ինչպես նաև Հանս Քրիստիան Անդերսենի «Թագավորի նոր շորը» նկարազարդ հեքիաթը:
Երրորդ մրցանակակիր փոքրիկը կստանա «Ձևեր և պատկերներ» և Յուրի Սահակյանի «Խնդմնդուկներ» գրքերը:
Շնորհավորում ենք ստեղծագործ փոքրիկներին հաղթանակի կապակցությամբ: Վստահ ենք, որ նրանք «Իմ փոքրիկ»-ի «Սովորենք ներկելով. տառերի ու կենդանիների բարեկամությունը» գրքույկը ներկելով ոչ միայն իրենց ստեղծագործական միտքն են զարգացրել ու լավ ժամանակ անցկացրել, այլ նաև կենդանիների մասին շատ նոր գիտելիքներ են ստացել:
Մրցանակակիր փոքրիկներին և իրենց մայրիկներին հունիսի 7-ին, ժամը 13-16-ը սիրով հրավիրում ենք «Մանկության աշխարհ էքսպո»` «Իմ փոքրիկ»-ի տաղավար (Մերգելյան ինստիտուտի շենքում), որտեղ նրանց կհանձնվեն իրենց մրցանակները:
Մանկական հավատարմությամբ`Իմ փոքրիկ