«Բիո ֆուդ» ընկերությունը՝ իր «Էլնոր» ապրանքանիշով, մեծ կարևորություն է տալիս սննդամթերքի որակին և դրա անվտանգությանը, այդ պատճառով ընկերության արտադրանքը մշտապես գտնվում է բարձր որակավորում ունեցող մասնագետների վերահսկողության տակ, այն անցնում է խիստ լաբորատոր փորձաքննություն՝ մինչև շուկա դուրս գալը: Ընկերությունում այժմ ներդրվում է ISO 22000՝ միջազգային ստանդարտը:
Սակայն միայն ընկերությունների ջանքերը բավարար չեն, յուրաքանչյուր սպառող ինքը պետք է լինի տեղյակ իր իրավունքներին և ունենա հիմնարար գիտելիքներ: Սպառողական գրագիտությունը մեր ժամանակի պահանջն է:
Սպառողների իրավունքների պաշտպանությունը կարևորում են բոլոր զարգացած երկրներում: Դեռևս 1962 թվականի մարտի 15-ին ԱՄՆ Կոնգրեսում ելույթի ժամանակ ԱՄՆ նախագահ Ջոն Քենեդին պատմության մեջ առաջին անգամ պաշտոնապես անդրադարձավ քաղաքացու, իբրև սպառողի, իրավունքներին: Արդյունքում ծնվեց մի փաստաթուղթ, որով ամրագրվում էին սպառողի չորս հիմնական իրավունքները: Ավելի ուշ սրանց գումարվեց միջազգային հանրության հավանությանն արժանացած ևս չորս իրավունք.
- անվտանգության իրավունքը,
- ընտրության իրավունքը,
- տեղեկատվություն ստանալու իրավունքը,
- լսված լինելու իրավունքը:
- վնասների փոխհատուցման իրավունքը,
- սպառողական կրթության իրավունքը,
- հիմնական կարիքները բավարարելու իրավունքը,
- առողջ միջավայրի իրավունքը:
ՀՀ-ում այս դաշտը կարգավորվում է «Սպառողների իրավունքների պաշտպանության մասին» ՀՀ օրենքով և ՀՀ Սահմանադրությամբ:
Ըստ ՀՀ Սահմանադրության 31.1 հոդվածի «Պետությունը պաշտպանում է սպառողների շահերը, իրականացնում օրենքով նախատեսված միջոցառումներ՝ ապրանքների, ծառայությունների և աշխատանքների որակի վերահսկողության ուղղությամբ»:
Յուրաքանչյուր սպառող պարտավոր է ծանոթանալ սեփական իրավունքների պաշտպանությանը միտված այս օրենքներին:
Խստապահանջ սպառողը արտադրության զարգացման շարժիչ ուժն է: