Հայաստանի հաշմանդամների «Փյունիկ» միությունը` ավստրալա-ռուսական «Caro & Co» ընկերության ֆինանսավորմամբ, Հայաստանում կիրականացնի մինչեւ երեք տարեկան լսողական խնդիրներ ունեցող երեխաների անվճար վիրահատություն:
Ինչպես այսօր լրագրողների հետ հանդիպման ժամանակ նշեց «Փյունիկ» միության ծրագրերի ղեկավար Ռուզաննա Սարգսյանը, վիրահատության միջոցով երեխաների ականջներում կտեղադվեն լսողական սարքավորումներ, որպիսիք դեռեւս Հայաստանում չեն տեղադրվել: «Այդ իմպլանտատներն ամբողջությամբ վերականգնում են լսողությունը` վերադարձնելով երեխային չօգտագործվող զգայարաններից մեկը:
Այս տարվա ընթացքում վիրահատվելու են տասը երեխաներ, որոնցից երեքն արդեն ընտրվել
Ռ. Սարգսյանը հավելեց, որ առաջնահերթությունը տրվելու է սոցիալապես անապահով ընտանիքներին: Ավստրալա-ռուսական «Caro & Co» ընկերության սեփականատեր Ռոզա Ալփերթը նշեց, որ Հայաստան ներկրվող այդ իմպլանտատներն արժեն մոտ 60 հազար եվրո: «Գումարը հավաքվելու է մեր ընկերության կողմից աշխարհի տարբեր մշակութային մայրաքաղաքներում անցկացվող ցուցահանդեսների ընթացքում վաճառված զարդերից: Մոտակա առաջին ցուցահանդեսը կայանալու է Փարիզում, մարտի 4-ից 8-ը: Այդ ընթացքում էլ հավաքված գումարի միջոցով մենք կվիրահատենք ընտրված տասը երեխաներին, որոնք հայտնի կլինեն մինչեւ մարտի վերջ»,- նշեց Ռ. Ալփերթը: