Հայաստանի երիտասարդական հիմնադրամի նախաձեռնությամբ մարտի 5-6-ը Ծաղկաձորի երիտասադրական կենտրոնում կանցկացվի «Շաքարային դիաբետով հիվանդ երեխաների ճամբար» ծրագիրը: Նման ծրագիր Հայաստանում կազմակերպվում է առաջին անգամ:
Իր բնույթով աննախադեպ այս ծրագիրն իրականացվում է Հայաստանի երիկտասարդական հիմնադրամի առողջ ապրելակերպի ծրագրերի շրջանակներում: Ինչպես «Արմենպրես»-ին տեղեկացրին հիմնադրամից, ճամբարին կմասնակցեն 7-14 տարեկան դիաբետով հիվանդ 35 երեխաներ եւ նրանց հետեւող բժիշկները: Հայաստանի երիտասարդական հիմնադրամը նպատակ ունի երեխաներին եւ նրանց խնամող ծնոնղերին կտրել առօրյա հոգսերից, նրանց տալ հնարավորություն վայելել ծաղկաձորյան բնությունն ու մաքուր օդը:
Երկօրյա ճամբարի ընթացքում երեխաներին կուսուցանվի նաեւ, թե ինչպես ինքնուրույն հետեւեն իրենց առողջական վիճակին, ինչպես դրսեւորեն իրենց առանձնահատուկ պայմաններում եւ ճիշտ սնվեն: