Իմ Փոքրիկից

Բարև, հայրի՛կ, ինչպե՞ս ես:

Դու էլի ուշացել ես,

Երևի գործով ընկել,

Մեզ էլի մոռացել ես:

Կաթ-կաթում է, տես, անձրևը,

Լվանում է փողոցները,

Դանդաղ հոսում, կուտակվում է

Ու իմ խաղը փչացնում է:

Այս տարին էլ գլորվեց,

Ինձ ավելի մեծացրեց,

Գրել, կարդալ չգիտեմ,

Բայց շուտով կսովորեմ:

Մարտի 8-ին, իմ մայրիկ,

Ես սարքել եմ մի բացիկ,

Ծաղիկ-արև նկարել

Ու կտրել եմ մեծ սրտիկ:

Իմ քաղաքն է` Երեւան,

Հին անունը` Էրեբունի:

Հենց արեւը երկնքում

Իր աչուկներն է բացում,

Երեւանը արթնանում

Ու ինձ իր գիրկն է կանչում:

Հավկիթ, մեղր ու կարագ,

Կաթնաշոռ ու թթվասեր,

Խոհանոց եկեք արագ,

Նախաճաշն է սպասում մեր:

Մայրիկս վաղ արթնացել,

Հայրիկիս է արթնացրել,

Արևը ջինջ երկնքից 

Հենց բացվում է  իմ առջեւ,

Մի հսկա սար միշտ հեռվից

Ինձ տալիս է ջերմ բարեւ:

Առավոտյան աշնան քամին
Տուկ-տուկ արեց պատուհանին:
Տարվա երրորդ եղանակին
Ես սպասել եմ կլոր տարին: