Ամենօրյա լիարժեք և առողջարար նախաճաշը չափազանց կարևոր է երեխայի համար, որովհետև ապահովում է օրգանիզմն էներգիայով ու բարձրացնում մտավոր աշխատունակությունը։
Եթե երեխան առավոտյան ժամերին կանոնավոր կերպով ստանում է իր աճի համար անհրաժեշտ վիտամինները, ապա նրա դեպքում վիրուսային, ստամոքսաղիքային տրակտի հիվանդություններ ձեռք բերելու հավանականությունը էականորեն նվազում է: Բալիկի նյութափոխանակությունը պետք է միշտ նորմայում լինի և չդանդաղի, որպեսզի նա ունենա լավ ինքնազգացողություն, լինի առույգ ու շրջի լավ տրամադրությամբ: Մենք առաջարկում ենք համեղ և օգտակար նախաճաշի բաղադրատոմս, որի համար անհրաժեշտ է վերցնել․
✓ Մյուսլի
✓ Մածուն
✓ Կտրատած բանան
✓ Թարմ կամ սառեցված հատապտուղներ
✓ Դդմի կորիզ
✓ Նուշ
✓ Դարչին (ըստ ցանկության)
Մածունը, մանրացված միրգն ու մյուսլին խառնում եք։ Թարմ կամ սառեցված հատապտուղները ջրի տակ ցողում եք և լցնում ընդհանուր զանգվածի մեջ։ Նախաճաշը զարդարում եք նուշով ու դդմի կորիզներով։
Բարի ախորժակ