Պատրաստում ենք մրգային լավաշ փոքրիկի համար

Ինչ է հարկավոր 

Միրգ (սալոր, ծիրան, խնձոր) - 1 կգ

Շաքարավազ - ըստ ցանկության (մոտ 100 գ)

Ինչպեսպատրաստել

Հարկավոր է լվանալ միրգը, բաժանել երկու մասի և հանել կորիզը: Կտորները լցնել կաթսայի մեջ, փակել կափարիչով և եփել կրակի վրա, մինչև փափկի: 

Եփված միրգը պետք է մանրացնել բլենդերով, որպեսզի դառնա խյուսանման զանգված: Խյուսին ավելացնել շաքարավազ, խառնել և դնել կրակի վրա: Եփել բաց կափարիչով, անընդհատ խառնել, մինչև պնդանա (որքան շատ եփվի խյուսը, այնքան ավելի քիչ պետք է չորացնել ջեռոցում): 

Ջեռոցի ամանը հարկավոր է ծածկել թխման թերթիկով, վրան լցնել խյուսը և լավ հարթեցնել: Դնել տաքացրած ջեռոցը, չորացնել 3-4 ժամ՝ 100 ջերմաստիճանի տակ: 3 ժամ հետո կարելի է շրջել մյուս երեսի վրա այնպես, որ թուղթը լինի դեպի վերև: 

Լավաշը պատրաստ է, երբ չի կպչում ձեռքին: 

Մրգային լավաշը հարկավոր է առանձնացնել թղթից, կտրատել երկարավուն, դնել տարայի մեջ և պահել սառնարանում:

Բարի ախորժակ