Կարևոր փաստեր հազի մասին

Մի կողմից կան ծնողներ, ովքեր հազը ընկալում են որպես անցողիկ երևույթ և չեն անհանգստանում, իսկ մյուս կողմից՝ նրանք, ովքեր հազը դիտարկում են որպես լուրջ խնդիր և ամեն կերպ փորձում են արագ բուժել այն։ 

Որպեսզի ճիշտ ընկալենք այս կլինիկական ախտանիշի բնույթը և այն առաջացնող խնդիրները խնդիրները, եկեք դիտարկենք մի քանի կարևոր կետեր՝

1. Հազը հիվանդություն չէ, այլ ախտանիշ, որը ցույց է տալիս շնչառական ուղիների խնդիր։

2. Հազը շնչառական ուղիների պաշտպանական ռեֆլեքս է, որի միջոցով օրգանիզմը մաքրում է շնչուղիներն օտար մասնիկներից։ Այն վտանգավոր չէ, բայց պետք է ուշադրություն դարձնել, եթե հազն ուղեկցվում է այլ ախտանիշներով, ինչպիսիք են դժվարաշնչությունը կամ ջերմությունը։

3. Կարևոր է հասկանալ հազի տեսակը և տևողությունը։ Օրինակ, սուր շնչառական վարակների դեպքում հազը կարող է տևել մինչև երեք շաբաթ։ Հազի տեսակները ներառում են չոր հազ, սպաստիկ հազ, հաչոցանման հազ (կռուպի դեպքում) կամ աքլորականչի նմանվող հազ (կապույտ հազի դեպքում):

4. Երեխաների հազի հիմնական պատճառներն են շնչառական ուղիների վարակները, հետին կաթիլի համախտանիշը, բրոնխների և թոքերի ժառանգական հիվանդությունները, շնչուղիներում օտար մարմինների առկայությունը և տուբերկուլյոզը։

5. Պասիվ ծխելը նույնպես կարող է հազի պատճառ դառնալ։ Ծխախոտի ծուխը վնասում է բրոնխների լորձաթաղանթը և կարող է հանգեցնել բրոնխիալ ասթմայի սրացման։

6. Փոքր երեխաներին (մինչև 5-6 տարեկան) խորխաբեր օշարակներ տալը խորհուրդ չի տրվում, քանի որ դրանք կարող են խորխի ծավալն ավելացնել և բարդացնել շնչառությունը։

7. Հազը տնական միջոցներով բուժելը միշտ չէ, որ անվտանգ է։ Օրինակ, ձու-կաթ-մեղր համադրությունը կամ այլ ավանդական միջոցները կարող են առաջացնել ալերգիկ ռեակցիաներ։

8. Սուր շնչառական վարակներից հետո հազը կարող է տևել մինչև երեք շաբաթ։ Այս դեպքում անհրաժեշտ է դիմել մանկաբույժի, որը կկատարի անհրաժեշտ հետազոտություններ։

9. Շնչառական վարակների դեպքում հասարակական վայրերում բժշկական դիմակ կրելը պարտադիր է՝ շրջապատի մարդկանց առողջությունը պաշտպանելու համար։

Հազը կարևոր է դիտարկել որպես օրգանիզմի պաշտպանական մեխանիզմ, սակայն անհրաժեշտ է ժամանակին դիմել մասնագետի՝ խնդրի արմատական պատճառը բացահայտելու և ճիշտ բուժում ստանալու համար։