Ինչու չի կարելի վախեցնել երեխաներին. հետևանքներն ու զգուշացման այլընտրանքային տարբերակները

Մեզնից յուրաքանչյուրը, հավանաբար, հիշում է նմանատիպ տեսարաններ իր մանկությունից:

Անկեղծ ասած, այս տարբերակն իսկապես աշխատում է: Հաճախ այն օգնում է ապահովել վարքագիծ, որը տվյալ պահին պետք է ծնողին:

Մեկ այլ բան է, որ այդ տարբերակները վտանգավոր են երեխայի հոգեկան առողջության համար, և կարող են առաջացնել նևրոզներ, ինչի արդյունքում երեխան կարող է կակազել, ունենալ հոգեկան ծանր ապրումներ: Կարող է առաջանալ նաեւ անվստահություն, անհանգստություն, թշնամանք աշխարհի նկատմամբ:

Իրավիճակը վերածվում է խնդրի, երբ բացակայում է համբերությունը, այսինքն՝ ծնողների ուժերից վեր է լինում հստակ և հանգամանալից բացատրել երեխային, թե ինչու նա չպետք է վարվի այդպես:

Ահա թե ինչպես ենք մենք «շփվում» մեր երեխաների հետ

1. Երեխային պետք է զգուշացնել, ոչ թե վախեցնել: Մենք հաճախ այսպես ենք ներկայացնում «չի կարելի»-ն՝ «չի կարելի աղմկել պոլիկլինիկայում ոչ թե այն պատճառով, որ ինչ-որ մեկը ցավեր ունի, և աղմուկը խանգարում է, այլ այն պատճառով, որ բժիշկը կարող է կշտամբել», «շիլան պետք է ուտել ոչ թե ուժեղ և առողջ լինելու համար, այլ նրա համար, որ այծիկը չհարվածի կոտոշներով», «հայրիկի աշխատանքից տուն գալուն պետք չէ սպասել ուրախությամբ, այլ մտավախությամբ, որ մայրիկը կպատմի նրան ամեն ինչ, և երեխային կարող է պատժել:

2. Երեխայի համար ամենասարսափելի սպառնալիքն այն է, որ իրեն վատ վարքի կհանձնեն մեկ ուրիշին: Երեխայի համար դա նշանակում է 2 բան` ինքը վատն է և իրեն չեն սիրում:

3. Ծնողները հաճախ սպառնում են, որ կծեծեն երեխային: Հիշեք՝ բռնությունը ծնում է բռնություն:

4. Պետք չէ ահաբեկել «բժշկով»: Ծնողները պետք է հիշեն, որ երեխան իր կյանքի ընթացքում պետք է այցելի բուժհաստատություններ տարբեր նպատակներով, օրինակ, որպեսզի պատվաստվի կամ տեղեկանք ստանա լողավազան, մանկապարտեզ կամ դպրոց գնալու համար: Իսկ դուք այդ պրոցեսը դարձնում եք վախեցնող:

Ինչպես «վախեցնել» երեխաներին. ողջամիտ կանոններ

1. Երեխային վախեցնել կարելի է միայն այն բաներով, որոնք իսկապես կարող են վնասել, օրինակ` վարդակի հետ խաղալը, տաք արդուկը, ճանապարհի վրա գտնվող մեքենաները և այլն:

2. Զգուշացրեք, որ կդառնա ինչ-որ հայտնի ֆիլմի կամ հեքիաթի ոճրագործի նման, եթե չսովորի, մասնագիտություն ձեռք չբերի և աշխատել չկարողանա:

3. Վախեցրեք, երբ փողոցը հատի չնախատեսված հատվածով: Շունը կարող է կծել, եթե նրան հարվածի փայտով, բայց ոչ այն պատճառով, որ պատասխանել է մայրիկին, բազմության մեջ կարող է կորել, քանի որ շատ մարդ կա, բայց ոչ այն պատճառով, որ քնում է ոտքի վրա:

Տեսնու՞մ եք տարբերությունը...

4. Վախեցրեք համարժեքորեն: Եթե ձեր երեխան վերցնում է ուրիշի խաղալիքները, հավանականությունը քիչ է, որ բժիշկը կսրսկի ագահության համար: Փոխարենը ասեք, որ դրա համար երեխաները կարող են չխաղալ նրա հետ խաղահրապարակում: