Որքան ժամանակ է պետք
Իհարկե, երեխային գիշերանոթին սովորեցնելը դեռ չի նշանակում, որ նա գիշերը չի թրջի տակը:
Այս պրոցեսը 3-6 ամիս է պահանջում, թեեւ այն կարող է ավել կամ պակաս ժամանակ տեւել: Որոշ փոքրիկների դեպքում ամիսներ եւ նույնիսկ տարիներ են պահանջվում, որ նա գիշերն անցկացնի առանց անկողինը թրջելու: Չնայած կան նաեւ փոքրիկներ, որոնք միանգամից կտրվում են տակդիրից եւ անգամ գիշերը չոր են մնում
Գիշերանոթի տեսակները
Հիմնական երկու տեսակներն են.
- առանձին, փոքրիկի չափսերին համապատասխանող գիշերանոթ, որն ունի առանձին շարժական տարա
- փոքրիկի չափսերին համապատասխանող նստատեղ, որը կարող եք տեղավորել զուգարանակոնքի վրա:
Եթե դուք նախընտրում եք նստատեղը, ապա հաշվի առեք, որ փոքրիկ աթոռակ է պետք լինելու` զուգարանակոնքին հասնելու համար: Աթոռակը նաեւ պետք կգա, որ փոքրիկը ոտքերը հենի եւ ուժ տա: Տղաների համար նախընտրելի է, որ սկզբում օգտվեն սովորական գիշերանոթից, հետո միայն կանգնած միզեն: Եթե փոքրիկին անհարմար է կամ նա վախենում է կանգնել աթոռին, ապա սովորական գիշերանոթը կարող է լավ տարբերակ լինել:
Գնեք նաեւ հավելյալ գիշերանոթներ: Դրանցից մեկը կարող է պետք գալ նաեւ ճամփորդելիս: Մի մոռացեք այն պահել մեքենայի թափքում`արտակարգ իրավիճակների համար: Երկարատեւ ճամփորդության ժամանակ 1-2 ժամը մեկ մեքենան կանգնեցրեք եւ փոքրիկին նստեցրեք: Այլապես գուցե ավելի երկար տեւի հարմար վայրի կամ զուգարանի փնտրտուքը:
Կարդացեք նաև`
Ինչպես փոքրիկին «կտրել» տակդիրից-մաս 1
Շարունակելի
Աղբյուրը` http://kidshealth.org
