Նշաններ, որոնց դեպքում պետք է շտապ բժշկի դիմել-1

Բայց նորածինների հիվանդությունները սկսվում են հանկարծակի, իսկ ցանկացած վարակ վտանգավոր է: Դրա համար առաջին ամիսներին ռիսկի դիմել հարկավոր չէ. պետք է շատ զգույշ լինել ու առաջին իսկ կասկածի դեպքում բժշկի դիմել:

Վտանգավոր ախտանշաններ

Պետք է անհապաղ շտապօգնություն կանչել, երբ.

• Երեխան փսխում է, և փսխածը կանաչ գույն ունի:
• 39 աստիճանից բարձր ջերմություն ունի:
• Գոռում է, ինչպես կգոռար ուժեղ ցավից:
• Երեխան աղմուկով, հաճախակի և դժվար է շնչում:
• Գաղտունը ուռչում է:
• Երեխան ցավից ճչում է ու սփրթնում: 
• Երեխայի կղանքի մեջ արյուն ու լորձ կա:

Հարկավոր է շտապ բժիշկ հրավիրել, եթե երեխան անառողջ տեսք ունի կամ

• Սովորականից շատ է լալիս, իսկ լացը սովորականի նման չէ, մեկ ժամ շարունակ չի դադարում:

Եթե երեխայի լացը մեկ ժամից ավելի չի հաջողվում կտրել կամ տարօրինակ լաց է, անհապաղ պետք է բժիշկ հրավիրել: Եթե նա անմխիթար լալիս է 2-3 ժամ` ամեն օր նույն ժամին, և ուրիշ ախտանշաններ չկան, հավանաբար խիթեր ունի: Դրանք կարող են շարունակվել մի քանի շաբաթ, բայց բուժում չեն պահանջում:

• Սովորականից ավելի լուռ է, թույլ ու անտարբեր:
• Երկու անգամ հրաժարվել է ուտել և ուտելու ցանկություն չունի 6 ժամից ավելի կամ չի խմում:

Եթե երեխան չի ուտում, բայց առույգ է ու լավ տրամադրություն ունի, անհանգստանալու կարիք չկա: Բայց եթե նա սննդից հրաժարվում է ու երկու անգամ անընդմեջ կամ 6 ժամվա ընթացքում ուտելու ցանկություն չունի, անհրաժեշտ է շտապ բժիշկ կանչել:

• Չափից ավելի գրգռված է ու անհանգիստ:

Շարունակելի