Ինչպես պաշտպանել գլուխը
Եթե եղանակը համեմատաբար տաք է, ապա կարող եք բավարարվել տրիկոտաժե գլխարկով:
Երբ ջերմաստիճանը իջնում է զրոյականից, փոքրիկին անհրաժեշտ է հագցնել բրդյա երկու շերտանի գլխարկ: Եթե քամի է, ապա գլխարկի տակից ցանկալի է կրել նաև գլխաշոր:
Մորթե գլխարկները նախընտրելի է օգտագործել ձմռան ցրտերի ժամանակ: Սակայն շարժուն երեխաների դեպքում անգամ ձմռանը մորթե գլխարկները ցանկալի չեն. Գլուխը մորթե գլխարկի մեջ շուտ է քրտնում:
Գլխարկը պետք է ամուր գրկի գլուխը և փակի ականջները:
Ինչպես պաշտպանել մարմինը
Բացի գեղեցկության մասին մտածելուց, անպայման ուշադրություն դարձրեք, որպեսզի վերնահագուստը լինի տաք և հարմարավետ: Փոքիկներից շատերը սիրում են ցատկոտել զբոսանքի ժամանակ և հագուստը դրան չպետք է խանգարի: Ինչքան էլ տաք հագցնեք փոքրիկին, առանց շարժման նա շուտ կմրսի: Ուստի ցուրտ եղանակների համար լավագույն հագուստը կամբինիզոնն է:
Ոչ մի դեպքում թույլ չտաք, որ ցուրտը ներխուժի հագուստից ներս: Այն նյութը, որով կարված է հագուստ, պետք է լինի բավականին պինդ, իսկ կոճկելու մասը` կրկնակի: Երբ շղթան համալրված է ամրակներով, ապա թույլ չի տալիս վերնահագուստին կորցնել տաքությունը:
Խուսափեք սինթետիկ հագուստից, քանի որ այն թույլ չի տալիս, որ փոքրիկի օրգանիզմը շնչի:
Շարֆը ավելի լավ է կապեք վերնահագուստի օձիքի վրա: Այս դեպքում այն ավելի լավ է փակում վիզը:
Ինչպես պաշտպանել թաթիկները
Առանց մատնատեղերի ձեռնոցները ավելի նախընտրելի ու հարմար են փոքրիկների համար: Սակայն պետք է հաշվի առնել, որ փոքրիկները սիրում են խաղալ ձյան հետ, իսկ առանց մատնատեղերի ձեռնոցները այս դեպքում շուտ թրջվում են: Ուստի Ձեզ մոտ միշտ ունեցեք հավելյալ ձեռնոցներ: Փոխելուց առաջ հոգ տարեք, որպիսի թաթիկները չոր լինեն և տաք: Պետք չէ մոռանալ, որ ձեռքի ափերը այնպիսի ռեֆլեկտորային մաս ունեն, որը պատասխանատու է ամբողջ օրգանիզմի համար:
Ինչպես պաշտպանել ոտիկները
Ձմեռային կոշիկները պետք է պաշտպանեն երեխայի ոտքերը ցրտից և թրջվելուց:
Ձմռան համար նախատեսված կոշիկների վերին մասը պետք է լինի բնական նյութերից: Խուսափեք արհեստանակ կաշվե նյութերից, նրանք չեն ապահովում տաքություն և շնչառություն: Հագցրեք բրդյա գուլպաներ: Որպեսզի կոշիկները չսեղմեն փոքրիկի ոտքերը, գնեք 1-2 չափս մեծ:
Խոնավ եղանակին իդեալական են համեմատաբար բարձր ներբան ունեցող կոշիկները:
