Որքա՞ն պետք է քնի երեխան. ժամերը՝ աղյուսակով

Իսկ երեխանե՞րը:

Մենք գիտենք, որ քունը շատ ինդիվիդուալ է: Յուրաքանչյուր երեխա քնի իր ռեժիմն ունի: Մանկաբույժներն առանձնացնում են տարբեր տարիքի համար կոնկրետ ժամեր ու քնի տևողություն, որի դեպքում երեխան կհագենա քնից և կլինի առողջ և առույգ:

Որպեսզի երեխան հագենա քնից:

Կրծքով կերակրվող երեխան կարող է քնել 20 ժամ, չէ՞ որ կյանքի առաջին ամիսներին երեխայի օրգանիզմն անցնում է նոր ռեժիմի, որի համար անհրաժեշտ է մեծ էներգիա և ուժ:

*Ամիս*	*Քնի ժամերը*
1 ամիս	15–18 ժամ
2 ամիս	15–17 ժամ
3 ամիս	14–16 ժամ
4 - 5 ամիս	15 ժամ
6 - 8 ամիս	14,5 ժամ
9 - 12 ամիս	13,5–14 ժամ
1 - 1,5 տարեկան	13,5 ժամ
1,5 - 2,5 տարեկան	12,5–13 ժամ
2,5 - 3 տարեկան	12 ժամ
4 տարեկան	11,5 ժամ
5 - 6 տարեկան	11 ժամ
7 - 8 տարեկան	10,5 ժամ
9 - 10 տարեկան	10 ժամ
11 - 12 տարեկան	9,5 - 10 ժամ
12 տարեկանից բարձր	9 - 9,5 ժամ

Որպեսզի հաշվեք, թե քանի ժամ է քնում ձեր երեխան, ֆիքսեք ժամը հենց քնի պահին: Արեք սա մի քանի օր ու հաշվեք քնի միջին տևողությունը:

Տարիքի հետ քնի տևողությունը կրճատվում է: Մեծահասակն, օրինակ, պետք է քնի օրական 8 ժամ:

Ինչպե՞ս հասկանալ, որ երեխան չի հագեցել քնից:

Մինչև 6 ամսական երեխան քնում է ցանկացած պահի՝ ուտելիս, դրսում զբոսանքի ժամանակ, մի խոսքով՝ այն պահին, երբ ցանկանում է: Իսկ 6 ամսականից հետո այսչափ քնկոտությունը կարող է հուշել, որ երեխան չի հագեցել քնից:

· Երեխան սկսում է քնել մեքենայի և սայլակի մեջ, երբ դրանք սկսում են շարժվել:

· Երեխան առավոտյան արթնանում է 7:30-ից ուշ: Փոքրիկ երեխաները սովորաբար արթնանում են 6-7:30-ի միջակայքում, եթե հագեցել են քնից:

· Երեխան արթնանում է առավոտյան ժամը 6-ից շուտ: Սա նույնպես հուշում է քնի խանգարման մասին:

· Փոքրիկը քնում և արթնանում է արցունքներով:

Երեխաների և մեծերի պահվածքի շեղումները նույնպես կարող են հուշել քնի խանգարման մասին.

· նյարդային, ագրեսիվ և քմահաճ պահվածք
· քրոնիկ հոգնածություն, երբ երեխան ու մեծահասակը կարող են ցանկացած պահի քնել ու արթնանալ մի քանի ժամ հետո:

Հիշեք՝ ամուր քունը կարևոր է բոլորի համար: Այն ապահովում է ոչ միայն մարդու բարձր տրամադրությունն, այլ նաև ամրացնում է իմունիտետն ու օգտակար է առողջության համար: