Ինչպե՞ս ճիշտ նստել
Շատ ապագա մայրիկներ հաճույքով են զբաղվում կարուձևով:
Չնայած դրական հոգեբանական ազդեցությանը, այս գործընթացը նաև բացասական կողմեր ունի, որը կարող է ազդել մոր առողջության և հղիության ընթացքի վրա:
Շատ կարևոր է, որ նստելիս մեջքը հենեք աթոռի թիկնամասին, անհաժեշտության դեպքում կարող եք բարձիկ դնել ողնաշարի հատվածում, իսկ ոտքերի տակ՝ ոչ բարձր աթոռակ: Ցանկացած նստակյաց աշխատանք հարկավոր է ժամանակ առ ժամանակ ընդհատել. երկար ժամանակ նստած մնալը մեջքում ցավերի պատճառ կարող է դառնալ: Այդ պատճառով էլ յուրաքանչյուր ժամվա ընթացքում հարկավոր է քայլել 5-10 րոպե:
Ապագա մայրիկին խորհուրդ չի տրվում նստել ոտքը ոտքին գցած. դա ոչ միայն խանգարում է արյան նորմալ շրջանառությանը` նվազեցնելով պտղին հասնող արյան քանակը, այլև մեծացնում է ողնաշարի ծանրաբեռնվածությունը` ուժեղացնելով ցավը:
Ինչպե՞ս ճիշտ քայլել
Հղիության ժամանակ զբոսանքները օգտակար են: Քայլելը կօգնի նաև խուսափել երակների լայնացումից: Սակայն ամեն ինչ չափի մեջ է լավ. հենց կզգաք, որ հոգնել եք, հարկավոր է նստել և 5-10 րոպե հանգստանալ: Եթե այգում զբոսնելու հնարավորություն չունեք, փողոցում քայլեք, պարզապես ընտրեք ոչ ծանր երթևեկություն ունեցող ճանապարհներ, որպեսզի մեքենաների արտանետած գազերը քիչ շնչեք:
Հարկավոր է քայլել ուղիղ, բայց առանց ուսերը լարելու: Հղիության ընթացքում պետք է մոռանալ բարձրակրունկ կոշիկների մասին: Կրունկի բարձրությունը չպետք է գերազանցի 3-4 սմ-ը:
Ի՞նչ չի կարելի անել
Հղի կնոջը հակացուցված է.
- Կտրուկ շարժումներ պահանջող աշխատանք
- Աշխատանքը, որ ենթադրում է աստիճաններին կամ այլ բարձր տեղերում կանգնելը
- Ծանրության բարձրացում պահանջող աշխատանք
- Կենցաղային քիմիայի (հատկապես սուր հոտերով) օգտագործմամբ գործեր
- Վերանորոգման հետ կապված ցանկացած աշխատանք
Բոլոր դեպքերում աշխատելիս պետք է պահպանել անվտանգության հիմնական կանոնները
- Լվացող միջոցների հետ աշխատել ձեռնոցներով
- Լվացք փռելիս բարձրության վրա չկանգնել
- Ծանր դույլեր չվերցնել
- Բեռը ձեռքերում բաշխել հավասարաչափ:
