Հարցերին պատասխանում է Երևանի քաղաքապետարանի հանրակրթության վարչության պետ Գայանե Սողոմոնյանը:
Ի՞նչ փաստաթղթեր են անհրաժեշտ մանկապարտեզ ընդունելու համար:
Մանկապարտեզ ընդունվելու համար անհրաժեշտ է ներկայացնել հետևյալ փաստաթղթերը.
· Դիմում ծնողի կողմից
· Տեղեկանք ծնողի աշխատանքի վայրից /աշխատելու դեպքում/
· Երկու լուսանկար
· Երեխայի ծննդյան վկայականի պատճենը
· Ծնողի անձնագրի պատճենը
Ե՞րբ պետք է դիմել, որպեսզի հերթացուցակում ժամանակին հասնի հերթը
Մանկապարտեզում հաշվառվելու /հերթագրվելու/ համար երեխաների տարիքային սահմանափակում չկա:
Ո՞ր տարիքից են ընդունում մանկապարտեզ
Մանկապարտեզներում երեխաների ընդունելությունը կազմակերպվում է՝ ելնելով տվյալ հաստատությունում հաշվառված /հերթագրված/ տարիքային խմբերի երեխաների քանակից:
Մանկապարտեզները գերբեռնված են. ի՞նչն է պատճառը և ի՞նչ քայլեր են ձեռնարկվում` կուտակումների խնդիրը լուծելու համար
Մանկապարտեզներում խմբերը հնարավորինս ձևավորված են սահմանված չափորոշիչների պահանջներին համապատասխան:
Քանի՞ երեխա է հերթագրված այս տարի
Հերթագրված է շուրջ 2300 երեխա:
Ի՞նչ պետք է անեն ծնողները, եթե մերժում են ստանոմ մանկապարտեզից
Նախադպրոցական կրթության իրականացման գործում գլխավոր դերը պատկանում է ընտանիքին, իսկ նախադպրոցական հիմնարկները ստեղծված են ընտանիքին աջակցելու համար /«Կրթության մասին» ՀՀ օրենք, հոդվ.17.2,3/: