Առաջին դասարանցիներին օնլայն հերթագրումից հետո ե՞րբ և ի՞նչ փաստաթղթեր պետք է ներկայացնել դպրոց

Նշենք, որ հայտագրումից հետո 15 աշխատանքային օրվա ընթացքում ծնողները դպրոց ընդունվելու համար պահանջվող փաստաթղթերը պետք է ներկայացնեն դպրոց, այլապես հերթագրումը կչեղարկվի: Իսկ այն ծնողները, որոնք առցանց հերթագրման ժամանակ ինչ-ինչ պատճառով չեղարկել են հայտագրումը և ընտրել նոր դպրոց, փաստաթղթերը պետք է ներկայացնեն 10 աշխատանքային օրվա ընթացքում:

Ծնողները նշված ժամկետներում փաստաթղթերը կարող են դպրոց ներկայացնել յուրաքանչյուր աշխատանքային օր:

Ի՞նչ փաստաթղթեր պետք է ներկայացնել.

1. Դիմում` ուղղված տնօրենին

2. Բնակչության պետական ռեգիստրում հաշվառված լինելու մասին տեղեկանք (Սա կարող եք վերցնել տեղամասայաին անձնագրային բաժանմունքից),

3. Ծննդյան վկայականի կամ անձնագրի բնօրինակը և պատճենը,

4. 2 լուսանկար՝ 3x4 չափսի,

5. Վկայագիր «Կրթության առանձնահատուկ պայմանների կարիքի վերաբերյալ»՝ տրված տարածքային կառավարման պետական մարմնի կողմից, կրթության առանձնահատուկ պայմանների կարիք ունեցող սովորողին հատուկ դպրոց ընդունելու համար, առկայության դեպքում: Անհրաժեշտ է դպրոց ներկայացնել նաև երեխայի Հանրային ծառայությունների համարանիշի մասին տեղեկանքը (վերջինս կարող եք վերցնել ոստիկանության տեղամասային բաժանմունքից)։ Ն

Նշենք, որ համակարգը նաև հնարավորություն է տալիս ստուգել, թե երեխան որ դպրոցում է հերթագրված: