Ինչ է հարկավոր
Բանան - 2 հատ
Սև հաղարջ - 50 գ
Շաքարավազ - 1 թեյի գդալ:
Ինչպես պատրաստել
1 օր առաջ հարկավոր է մաքրել բանանը կեղևից, մեջտեղից բաժանել երկու մասի, որից հետո կտրատել մանր կտորներով, լցնել որևէ տարայի մեջ և դնել սառցարանը` թողնելով մեկ գիշեր:
Հաջորդ օրը հարկավոր է սառած բանանը հարել բլենդերով: Կստացվի մածուցիկ զանգված:
Եթե հաղարջը քաղցր է, կարելի է շաքարավազ չավելացնել, եթե ոչ` ավելացնել մի փոքր շաքարավազ:
Հաղարջը հարկավոր է հարել բլենդերով այնպես, որ ստացվի հատապտղի խյուս: Հաղարջի խյուսն ավելացնել բանանի զանգվածին և մեկ անգամ ևս հարել բլենդերով:
Բանանով և հաղարջով դեսերտը պատրաստ է: Զանգվածը հարկավոր է լցնել համապատասխան ամանների մեջ, զարդարել ցանկացած հատապտուղով և մատուցել: Պետք է ուտել, քանի դեռ չի տաքացել:
Սառած վիճակում աղանդերը կարող է փոխարինել պաղպաղակին:
Բարի ախորժակ:
