Բերանի խոռոչի եւ սննդի հիգիենա. ինչպես պետք է խնամել ատամներն ու կերակրել փոքրիկին. մասնագիտական խորհուրդներ մայրիկներին

Միջոցառումներ

• Փորձե՛ք լվանալ ձեր ատամներն այն ժամին, երբ ձեր փոքրիկներն են լվանում:
• Հետևե՛ք, որպեսզի երեխան լվանա ատամներն օրը 2 անգամ՝ առավոտյան և երեկոյան: 
• Հնարավորինս սահմանափակե՛ք երեխայի կողմից քաղցրավենիքի օգտագործումը:
• Տարին մեկ անգամ երեխայի հետ այցելե՛ք ատամնաբույժի:

Սննդի հիգիենա

Փաստեր

• Ձեր երեխայի աճը և հիվանդությունների դեմ պայքարելու կարողությունը կախված է առողջ սննդի օգտագործումից:

• Երեխայի սննդակարգից բացառե՛ք սառեցված կիսաֆաբրիկատները և տնային պայմաններում պատրաստված պահածոները,  գնե՛ք միայն թարմ մթերք: Խուրհուրդ չի տրվում գնել աղացած միս:

• Խանութից կաթ և կաթնամթերք գնելիս ուշադրություն դարձրեք պահպանման պայմաններին, ժամկետներին և բաղադրությանը, ընտրեք պահպանման կարճ ժամկետ ունեցող կաթնամթերք, քանի որ երկար պահպանման ժամկետ ունեցող մթերքը կարող է պարունակել սննդային հավելումներ:

• Մինչև 8 տարեկան երեխաների սննդակարգում կծու համեմունքներ օգտագործել չի՛ կարելի:

• Հնարավորինս  սահմանափակեք երեխայի կողմից շաքարի օգտագործումը՝ այն փոխարինելով քաղցր մրգով, մեղրով (եթե երեխան 3 տարեկանից բարձր է):

• Երեխայի սննդակարգում խորհուրդ չի տրվում օգտագործել մարգարին: Նախընտրելի է օգտագործել սերուցքային կարագ, որի առնվազն 72 տոկոսը կազմում է կենդանական յուղը:

• Աշխատե՛ք երեխայի սննդացանկում ընդգրկել օրգանիզմի համար բոլոր անհրաժեշտ սննդատեսակները` միս, ձուկ, հատիկեղեն, ընդեղեն, բանջարեղեն և կաթնամթերք: Բանջարեղենից նախապատվությունը տվե՛ք գազարին, կաղամբին, սոխին, բազուկին, սխտորին, դդմիկին, պղպեղին, դդումին, կանաչ տերևավոր բանջարեղենին: Հատիկեղենից երեխաների համար նախընտրելի են վարսակը և հնդկաձավարը, ընդեղենից՝ գետնանուշ, նուշ, ընկույզ և այլն, մսերից` հավի և տավարի ոչ յուղոտ միսը:

• Միկրոտարրերը՝ յոդը, երկաթը, ցինկը, նպաստում են ուղեղի լավ աշխատանքին: Երեխան ավելի լավ կսովորի և նորը հեշտ կյուրացնի, եթե հաճախ օգտագործի յոդ պարունակող մթերք /ծովամթերք, սխտոր, քունջութի սերմեր, սպանախ, շաղգամ, յոդացված աղ/:

• Նախադպրոցական տարիքի երեխան պետք է օրական սնվի 4-5  անգամ, ցանկալի է միշտ նույն ժամերին: Սննդի ընդունման միջև ընկած ժամանակահատվածը պետք  է լինի ոչ ավելին, քան 3.5-4 ժամ: Ուտելիս երեխային մի շտապեցրեք, սնունդը պետք է լավ ծամել, քանի որ այսպես օգտակար նյութերն ավելի լավ են յուրացվում:

• Պակաս կարևոր չէ նաև կերակրի պատրաստման եղանակը: Երեխայի սննդակարգից բացառե՛ք  տապակած և ծխեցրած մթերքը` նախապատվությունը տալով ջեռեփմանը, շոգեխաշելուն և գոլորշով եփելուն:

Սննդաբաններն ու մանկաբույժները համատեղ կազմել են մթերքների սև ցուցակ, որոնք հակացուցված են երեխաներին.

1. Կարտոֆիլի չիփսեր
2. Կարտոֆիլի ֆրի
3. Կետչուպ և մայոնեզ
4. Կարամելային կոնֆետներ
5. Գազավորված ըմպելիք
6. Կրեմային թխվածք