Ինչպե՞ս ընտրել ճիշտ կոշիկ երեխայի համար

Մինչև խանութ շտապելը եկեք պարզենք՝ ինչպես ընտրել ճիշտ կոշիկ նրա համար: Փոքրիկի ոսկորները դեռ նոր են ձևավորվում, և անհրաժեշտ է ընտրել այնպիսի կոշիկ, որը չի սեղմի երեխայի փոքրիկ ոտնաթաթերն ու անհանգստություն չի պատճառի փոքրիկ մարդուկին, չէ՞ որ սխալ ընտրված կոշիկը կարող է վատ ազդեցություն ունենալ երեխայի ողնաշարի վրա:

·        Երեխայի կոշիկը պետք է ունենա պարզ դիզայն: Գեղեցիկ կոշիկները միշտ չէ, որ հարմարավետ են: Այդ իսկ պատճառով ընտրեք պարզ դիզայնով կոշիկ: Առաջին հերթին ուշադրություն դարձրեք հարմարավետությանն, այլ ոչ դիզայնին:

·        Կոշիկի հումքը պետք է լինի բնական: Նախապատվությունը տվեք բնական կաշվին, քանի որ այն թույլ է տալիս մաշկին շնչել:

·        Կոշիկը պետք է լինի նաև ճկվող, որպեսզի երեխան կարողանա հանգիստ քայլել, վազել, թռչկոտել:

·        Ընտրեք այնպիսի կոշիկ, որի մեջ ոտքի ներբանն ամուր կֆիքսվի:

·        Ընտրեք փոքր կրունկ ունեցող կոշիկներ. դրանք կօգնեն զերծ մնալ ողնաշարի հետ կապված խնդիրներից:

·        Որպեսզի փոքրիկի ոտքի մատիկները չվնասվեն, ընտրեք փակ կոշիկներ:

Ընտրեք ունիվրսալ կոշիկներ

Վաղ գարունն ու խոր աշունը եղանակային պայմաններով նման են՝ անձրև, ցեխ, ջրափոսեր: Կարելի է գնել այնպիսի կոշիկներ, որոնք հնարավոր կլինի հագնել այս երկու եղանակների դեպքում էլ: Ընտրեք այնպիսի կոշիկներ, որոնք կլինեն ջրակայուն և տաք: Ռետինե կոշիկները ջրակայուն են, սակայն դրանցով փոքրիկի ոտքերը կքրտնեն: Բացի այդ, ցուրտ եղանակին դրանցով երեխայի ոտքերը կսառչեն: Այդ եղանակին ռետինե կոշիկները կարելի է հագնել տաք գուլպաներով:

Ինչպե՞ս ընտրել կոշիկի ճիշտ չափս

Գոյություն ունեն կոշիկի ճիշտ չափս ընտրելու երկու տարբերակ՝ մետրային ու համարով: Ըստ ոտքի չափսի՝ կարելի է հասկանալ կոշիկի համարը: Ստորև ներկայացնում ենք կոշիկի ճիշտ չափս ընտրելու եղանակը.