Սյունիքում ռոտավիրուսային պատվաստումներն իրականացվել են 95 տոկոսով

Ընդհանուր առմամբ` ռոտավիրուսները մինչեւ 5 տարեկան երեխաների շրջանում ծանր ընթացքով փորլուծությունների հիմնական պատճառ են:

Առողջապահության համաշխարհային կազմակերպության տվյալներով` աշխարհում տարեկան գրանցվում է ռոտավիրուսային վարակով պայմանավորված 24 միլիոնից ավելի ամբուլատոր այցելություն, 2.3 միլիոնից ավելի հոսպիտալացման եւ մոտ 0.5 միլիոն մահվան դեպք, ինչպես նաեւ մոտ 114 միլիոն ռոտավիրուսային վարակի էպիզոդ: Ծանր ռոտավիրուսային գաստրոէնտերիտները հիմնականում տարածված են մինչեւ 5 տարեկան, հատկապես՝ 6-24 ամսական երեխաների շրջանում եւ փորլուծություններով հոսպիտալացումների գրեթե 40%-ը պայմանավորված է ռոտավիրուսային վարակով:

Գրեթե յուրաքանչյուր երեխա մինչեւ 3 տարեկանն առնվազն մեկ անգամ ռոտավիրուսներով վարակվում եւ հիվանդանում է:

Գնահատումները եւ հետազոտությունները ցույց են տվել, որ բոլոր երկրներում երեխաների շրջանում ռոտավիրուսային վարակով պայմանավորված մահվան դեպքերը հիմնականում պաշտոնական վիճակագրությամբ չեն ներկայացվում, քանի որ բոլոր երկրներում ուսումնասիրությունները ցույց են տալիս, որ պաշտոնական գրանցված մահերը վերագրվում են ոչ թե ռոտավիրուսային վարակին, այլ դրանց հետեւանքով առաջացած բարդություններին:

Հայաստանում մոտ 200 000 մինչեւ 5 տարեկան երեխաների շրջանում ռոտավիրուսային վարակի պատճառով երկրում կարող ենք ունենալ տարեկան առնվազն 40 մահվան դեպք: