Անհրաժեշտ է՝
Կարագ՝ 150 գր.
Ալյուր՝ 420 գր.
Շաքարավազ՝ 150 գր.
Ձու՝ 1 հատ
Սոդա՝ 2 գր.
Պատրաստման տևողությունը՝ 1 ժ. 50 ր.
Պատրաստման եղանակը՝
Կարագը նախապես բերել սենյակային ջերմաստիճանի, որ հեշտ տրորվի: Կարագը կարելի է փոխարինել նաև մարգարինով, այդպես ավելի էժան կլինի, սակայն երեխաների համար անհրաժեշտ է օգտագործել կարագ: Կարագը տրորեք շաքարավազի հետ այնքան, որ դառնա միասեռ զանգված:
Ստացված զանգվածին ավելացրեք ձու և հարեք: Կարող եք օգտագործել նաև հարիչ:
Ալյուրին ավելացրեք սոդա, խառնեք, ապա ավելացրեք կարագի զանգվածին և հունցեք: Խմորը շատ հունցել պետք չէ, հակառակ դեպքում բլիթները կոշտ կստացվեն:
Ստացված խմորը մեկ ժամ պահեք սառնարանում:
Դրանից հետո խմորը բացեք գրտնակով և տարբեր պատկերներով կաղապարների օգնությամբ կտրատեք:
Խմորը 25 րոպե թխեք 180 աստիճանի տաքություն ունեցող ջեռոցում:
Բարի ախորժակ