«Էրեբունի» բժշկական կենտրոնում երեկ ծննդաբերել է Խարբերդի 41-ամյա բնակչուհի Արմինեն՝ լույս աշխարհ բերելով իր 12-րդ երեխային։ Այս մասին գրում է «Հայկական ժամանակ» թերթը եւ հավելում. «Ինչպես տեղեկացանք բժշկական կենտրոնից, երեխայի քաշը 3 կգ 550 գ է, հասակը՝ 50 սմ։ Նրան կնքել են Անահիտ անունով։
Նորածինն այս ընտանիքի 5-րդ աղջիկն է։ Նրա մայրը, որը նաեւ մեկ թոռնիկ ունի, խոստացել է, թե էլի զավակներ է ունենալու։ Արմինեի ամուսինը ցանկություն է հայտնել ներկա գտնվել կնոջ ծննդաբերության ժամանակ, ինչը նրան թույլատրվել է»,- գրում է «Հայկական ժամանակը» (Մանրամասները՝ թերթի այսօրվա համարում):