Կինը հղիության մասին իմացել է ծննդաբերությունից մեկ ժամ առաջ

Ուշագրավ դեպք է տեղի ունեցել ԱՄՆ Մասաչուսեթս նահանգի Վեյմութ քաղաքում: 23-ամյա Քեթի Կրոպասը հղիության մասին իմացել է ծննդաբերությունից մեկ ժամ առաջ:Ինչպես պատմել է Քեթին, առավոտյան նա սուր ցավեր է զգացել մեջքի հատվածում և շտապել հիվանդանոց:

Երբ բժիշկները հետազոտել են կնոջը, պարզվել է, որ սկսվել են երկունքի ցավեր: Կնոջն անմիջապես տեղափոխել են վիրահատարան: Մեկ ժամ անց լույս աշխարհ է եկել Քեթիի դուստր Էլլի Օլիվիան, ով, ինչպես պնդում են բժիշկները, լիովին առողջ է: Երջանիկ մայրը պատմել է, որ չի իմացել հղիության մասին, քանի որ հղիության որեւէ նշան չի եղել, իսկ ավելորդ քաշը Քեթին պայմանավորել է չափից շատ սնվելով: