Զանազան հանելուկներ

(Հեծանիվ)

***

Երկու արև են՝ երկվորյակ եղբայր,

Մեկտեղ են տեսնում աշխարհն այս անծայր,

Թե որ չլիներ մի սար բաժանող՝

Նրանք գուցե և կտեսնեն իրար:

(Աչքեր)

***

Գլոր-գլոր եկավ, գնաց.

Աչքը ծնող ամպին մնաց,

Գնաց ձուլվեց հսկա ծովին՝

Աչքը երկնող սարին մնաց:

(Առվակ)

***

Քեզնից ծնվեց, փքացավ,

Ու իր տեսքով հիացավ,

Ծնող արևը գնաց,

Ինքն էլ հետը չքացավ:

(Ստվեր)

***

Ուտում է, երբ բանում է,

Ինչ էլ որ տաս, ծամում է,

Մի երգ ունի չխչխկան,

Լսես՝ քունդ տանում է:

(Ջրաղաց)

***

Նա իր պոչը թողեց, գնաց,

Պոչը դարձավ նրբին շղարշ,

Վերջում ինքը անպոչ մնաց,

Բայց իր հետքը մնաց անմաշ:

(Ասեղ)

***

Մի բերան է, երբ փակ է,

Երբ բացվում է, երկտակ է,

Պոչին սեղմես, կծամի,

Երբ չի ծամում, միշտ փակ է:

(Մկրատ)

***

Կանգնել է նա ծառի պես,

Բայց բարակ է լարի պես,

Ձայն-պատկեր է հավաքում

Ու ասում է՝ արի տես:

(Ալեհավաք)

***

Հատիկի հետ խաղում է,

Հետն էլ մանրիկ աղում է,

Թե հատիկը վերջանա,

Չխչխկանը կաղում է:

(Ջրաղաց)

***

Խոտերի միջից ժպտում է անուշ,

Կարմրաթշիկ է ու միշտ քաղցրանուշ:

(Մորի)