Խմորեղեն «Զեբր». հեշտ և արագ  

Անհրաժեշտ է․

Շաքարավազ – 2 թեյի բաժակ 

Ալյուր - 2 թեյի բաժակ 

Ձու – 5 հատ

Սերուցքային կարագ – 200 գրամ

Թթվասեր – 1 բաժակ

Կակաոյի փոշի – 2  ճաշի գդալ

Սոդա – 1 թեյի գդալ

Պատրաստման եղանակը.

1. Ձուն հարել այնքան,  մինչև ստացվի սպիտակ զանգված, ավելացնել 2 թեյի բաժակ շաքարավազ, սոդա, հալեցրած կարագ, թթվասեր և հարել հարիչով: Ստացված զանգվածին ավելացնել նաև ալյուրն ու շարունակել հարել:

2. Ստացված խմորը կիսել երկու հավասար մասի: Մի մասին ավելացնել 2 ճաշի գդալ ալյուր, մյուսին՝ 2 ճաշի գդալ կակաոյի փոշի: Խառնել այնքան, մինչև վերանան գնդիկները: Խմորը պետք է լինի թթվասերի խտության:

3. Խմորեղենի համար նախատեսված տարան պատել կարագով: Տարայի կենտրոնից սկսած՝ խմորի երկու տեսակն էլ ճաշի գդալով լցնել:  Սկզբից՝ շականակագույն, հետո՝ սպիտակ խմորը: Այսպես մինչև վերջ: Հիշեք՝ խմորը չպետք է խառնել:

4.Եփել  ջեռոցում (200°C) մեկ ժամ:

Բարի ախորժակ