Նախադպրոցականների համար
- Հեծանիվները, սկուտերները եւ ինքնագնացները գործի դնելիս պետք է անպայման ամրացնել անվտանգության գոտիները եւ բոլոր այն պարագաները, որոնք նախատեսված են անվտանգության համար:
- Օղակվող գոտիները պետք է այնպես ամրացնել, որ փոքրիկին հանկարծ չխեղդեն:
Ինչպես ապահովել խաղալիքի անվտանգությունը տանը
Անվտանգ խաղալիք գնելուց հետո պետք է համոզված լինեք, որ փոքրիկը գիտի, թե ինչպես է պետք օգտագործել: Լավագույն միջոցը, իհարկե, խաղը հսկելն է: Նրանց հետ խաղալով` դուք ոչ միայն կհսկեք, այլեւ կսովորեցնեք, թե ինչպես է պետք խաղալ:
Ծնողները պետք է`
- Կարդան խաղալիքի գործարանային ներդիրները
- Համոզվեն, որ խաղալիքը հենց իրենց փոքրիկի տարիքի համար է
- Համոզվեն, որ խաղալիքից ներկ չի թափվում
- Պարբերաբար ստուգեն խաղալիքի պիտանելիությունը
- Ստուգեն, որ փայտե խաղալիքը «փշեր» չունենա
- Համոզվեն, որ պլաստմասե խաղալիքները կոտրված չեն
- Ստուգեն, որ հեծանիվներն ու դրսի մյուս խաղալիքները (մեքենան, հեծանիվը, սքութերը կամ ինքնագնացը) ժանգոտած չլինեն:
- Տեղումների ժամանակ դրսի խաղալիքները բերեն ներս:
Համոզվեք նաեւ, որ խաղալիքները մաքուր են: Որոշները հնարավոր է մաքրել ամանների լվացման հեղուկով, բայց նախեւառաջ ընթերցեք գործարանային ցուցումները: Կարող եք նաեւ անտիբակտերիալ հեղուկ օճառի կամ ամանների լվացման հեղուկի վրա տաք ջուր ավելացնել, ցողաջուր պատրաստել ու լցնել հատուկ տարայի մեջ: Դրանով հնարավոր կլինի պարբերաբար ցողել խաղալիքն ու մաքրել:
