Այս խորհուրդների հեղինակն ամերիկացի Մայքլ Միտչելն է, ով արդեն 30 տարվա երջանիկ հայրիկ է:
Նա իր կայքում՝ lifetoheryears.com-ում պարբերաբար գրում է հետաքրքիր նյութեր ու աղջիկներ ունեցող հայրիկների հետ կիսվում իր փորձով: Ներկայացնում ենք մի քանի խորհուրդ՝ երջանիկ հայրիկ Մայքլից:
1. Ձեր դստրիկի հետ գնացեք քաղաքից դուրս ու հիացեք բնությամբ՝ մայր մտնող ու ծագող արևով: Հիշեք՝ սա այն դեպքն է, երբ հեռախոսներն ու բոլոր էլեկտրոնային սարքերը պետք է թողնել տանը:
2. Սովորեցրեք նրան մեքենա վարել: Ձեր աղջիկն այդ օրը երբեք չի մոռանա:
3. Զբաղվեք ինքնակրթությամբ: Ձեր աղջիկը պետք է միշտ կարծի, որ իր հայրիկն ամենախելացին է:
4. Նստեցրեք նրան ձեր ուսերին՝ բոլորից բարձր. սա նրան իրոք դուր կգա:
5. Ծանոթացրեք նրան երաժշտության կախարդական հնչյունների հետ: Ընտրեք բարձրաճաշակ երաժշտություն ու ձևավորեք երաժշտական ձեր ցանկը: Հետագայում դրանք լսելիս նա միշտ կհիշի իր մանկության լավ օրերը:
6. Ընտրեք մի գողտրիկ վայր ու այն դարձրեք մշտական հանդիպման ու զրուցելու վայր: Երբ նա տխուր կամ ուրախ լինի, քայլերն ակամայից այդ վայր կտանեն նրան:
7. Ամեն երեկո նա կսպասի ձեր վերադարձին: Երբեք մի ուշացեք:
8. Երբեք բաց մի թողեք նրա ծննդյան օրերը: Մի քանի տարի հետո նա չի հիշի՝ դուք ինչ եք նրան նվիրել, բայց միշտ կհիշի, որ երբեք չեք մոռացել շնորհավորել նրան:
9. Սովորեցրեք նրան սլանալ անվաչմուշկներով: Միասին կարող եք ուրախ ժամանց անցկացնել:
10. Թույլ տվեք նրան պառկել խոտերի վրա: Դա արեք նաև դուք:
