Ինչպե՞ս վարվել, եթե երեխան հայհոյանք է սովորել

արտահայտություն: Նախ, քանի որ այս տարիքում երեխաներն ամեն բան կրկնօրինակում են և երկրորդ, քանի որ այդ բառը երեխան առաջին անգամ է լսում և այն կարծես մխրճվում է հիշողության մեջ:

Հաշվի առեք, երկու-երեք տարեկանում երեխան հայհոյում ու նմանատիպ բառեր է օգտագործում ոչ այն պատճառով, որ կոպիտ ու բռի է ծնվել, այլ որպեսզի ուշադրություն գրավի: Երեխան նկատում է, որ որոշակի բառեր արտասանելուց հետո բոլորն իրեն են նայում և սկսում է այդ բառերն ավելի ու ավելի հաճախ օգտագործել:  Նման պարագայում լավագույն միջոցը արհամարհելը, ուշադրություն չդարձնելն է:

Եթե կարողանաք դիմանալ և մի քանի օր, երբեմն էլ մի քանի շաբաթ, անտեսել երեխայի արտասանած հայհոյանքները, շատ հավանական է, որ փոքրիկը շատ շուտով կմոռանա այդ բառերը:

Ինչպես վարվել նախադպրոցական տարիքի երեխաների հետ

Հինգ-յոթ տարեկան երեխաներն ավելի լավ են հասկանում հայհոյանքների և նմանատիպ բառերի նշանակությունը: Նրանք արդեն հասկանում են, որ այդ բառերը վիրավորական են և դրանք օգտագործում են իրենց հարազատների կամ ընկերների նկատմամբ: Երեխան կարող է վիրավորական բառեր կիրառել վեճի ժամանակ` փորձելով այդպիսով խոցել, թուլացնել դիմացինին:

Այս շրջանում կարելի է կիրառել ճիպոտի և քաղցրաբլիթի մեթոդը:  Եթե երեխան սահմանն անցել է ու իրեն վատ է պահում, մտածեք պատժի մասին:  Եթե նոր է սկսել նման բառեր օգտագործել, կարող եք սահմանափակվել նման բառերը չկիրառելը խրախուսելով:

Ամենակարևորը, ափերից դուրս մի եկեք և ինքներդ աշխատեք նման բառեր չկիրառել, հատկապես երեխայի ներկայությամբ: Երբ ծնողն է իրեն թույլ տալիս հայհոյանք կամ անեծք օգտագործել, ապա պետք չէ սպասել, որ տվյալ ծնողի երեխան  կլինի դաստիարակված և քաղաքակիրթ: Միշտ հետևեք ձեր խոսքին` հետագայում խնդիրներից խուսափելու նպատակով:  Ընդ որում, ձեր հյուրերին, ընկերներին և հարազատներին էլ կարող եք զգուշացնել, որ ձեր տանը խոսեն մաքուր հայերենով` առանց ավելորդությունների:

Նյութն ըստ molodayamama.ru կայքի