Բարձր կալորիականությամբ բանջարեղենային աղցան՝ «Իմ փոքրիկ»–ից

Գարնանը հասանելի են գրեթե բոլոր բանջարեղենները, ուստի պետք է հաճախ պատրաստել բանջարեղենային աղցաններ, որոնք պարունակում են վիտամինների իսկական փունջ։

Այսօր «Իմ փոքրիկ»-ն առաջարկում է բարձր կալորիականությամբ բանջարեղենային աղցան։

Ի՞նչ է անհրաժեշտ

1. Հազար

2. Սպիտակ սոխ

3. Դեղին և կարմիր պղպեղ

4. Ավոկադո

5. Քունջութ

6. Զեյթունի ձեթ

7. Աղ, սև պղպեղ (կախված երեխայի տարիքից) 

Ինչպե՞ս պատրաստել

Այս աղցանը շատ հեշտ է պատրասվում։ Անհրաժեշտ է լվանալ թարմ բանջարեղենը, կտրատել, խառնել, ավելացնել կտրատած ավոկադոն, քունջութը, ձեթը, ապա, ըստ ճաշակի, ավելացնել աղ, սև պղպեղ։ 

Օգտակար ինֆորմացիա

Ավոկադոն իր կալորիականությամբ գերազանցում է ձվին և մսին։ Այն բարձրացնում է տրամադրությունը, օգնում է վերականգնել կենսական ուժերը։  Այն պարունակում է  ֆոլաթթվային աղեր, վիտամին B₆, վիտամին C։

Ի դեպ, կտրատած ավոկադոյի պտղամսի վրա պետք է կիտրոնաթթու լցնել, քանի որ պտուղը կտրատելուց հետո մգանում է և ոչ ախորժաբեր տեսք է ստանում։