Ինչպես սովորեցնել երեխային ձեռքերը ճիշտ լվանալ՝ քայլ առ քայլ ուղեցույց

Այս պարզ սովորությունը կարող է կանխել բազմաթիվ հիվանդություններ ու ապահովել առողջ մանկություն։

Ինչո՞ւ է ձեռքերը լվանալն այդքան կարևոր

Երեխաներին պետք է պարզ ու հասկանալի ձևով բացատրել, թե ինչու է անհրաժեշտ լվանալ ձեռքերը։ Անտեսանելի մանրէները մեր շուրջն են ամենուր՝ դռան բռնակների, խաղալիքների, կենդանիների մորթու և նույնիսկ մեր ձեռքերի վրա։ Դրանք կարող են հեշտությամբ ներթափանցել երեխայի օրգանիզմ՝ բերանի, քթի կամ աչքերի միջոցով։

Ձեռքերը լվանալը նույնքան կարևոր է, որքան ատամները խոզանակելը կամ առողջ սնունդ ուտելը։ Այդ կերպ երեխան կսկսի դա ընկալել որպես անձնական խնամքի անբաժան մաս։

Ճիշտ քայլերը՝ խաղի նման

Ձեռքերը լվանալը սովորություն դարձնելու լավագույն միջոցներից մեկը այն խաղի վերածելն է։ Առաջարկեք երեխային միասին սովորել հիգիենայի այս 5 պարզ, բայց կարևոր քայլերը․

1. Թրջել ձեռքերը հոսող ջրով։

2. Օճառել՝ այնպես, որ ծածկի ամբողջ մակերեսը։

3. Շփել ձեռքերն առնվազն 20 վայրկյան՝ ուշադրություն դարձնելով ափերին, ձեռքերի վերին հատվածին, մատների արանքին և եղունգների տակ։

4. Լվանալ օճառը հոսող ջրով։

5. Չորացնել մաքուր սրբիչով կամ անձեռոցիկով։

Խրախուսեք երեխային երգել «Արագիլն է գալիս» երգը երկու անգամ (կամ մեկ այլ երգ)՝ լվացման ճիշտ տևողությունն ապահովելու համար։

Երբ լվանալ ձեռքերը՝ կարևոր պահեր

Երեխան պետք է իմանա  ոչ միայն ինչպես, այլ նաև երբ պետք է լվանալ ձեռքերը։ Ահա որոշ հիմնական պահեր.

• Երբ ձեռքերը տեսանելիորեն կեղտոտ են 

• Ուտելուց առաջ և հետո

• Զուգարանից օգտվելուց հետո

• Կենդանիներին դիպչելուց հետո

• Քիթ մաքրելուց, հազալուց կամ փռշտալուց հետո

Հնարավորինս դարձեք դա օրինաչափ՝ սովորեցնելով, որ մաքուր ձեռքերը հավասար են  առողջ օրգանիզմի։

Ախտահանիչների ճիշտ օգտագործումը

Երբ ջուրը և օճառը հասանելի չեն, կարելի է օգտագործել ձեռքի ախտահանիչ քսուքներ։ Ընտրեք միայն այնպիսիք, որոնք պարունակում են առնվազն 60% ալկոհոլ։ Սակայն պարտադիր հետևեք նրան, որ երեխան  այն երբեք չխմի կամ հոտ չքաշի, և միշտ օգտագործի միայն մեծահասակի ներկայությամբ։

Ձեռքերի լվացումը՝ խաղի ու զվարճանքի մաս

Փոքրիկները սովորում են լավագույնս խաղալով։ Փորձեք ձեռքի լվացումները դարձնել զվարճալի․

• Օգտագործեք գունավոր օճառներ կամ փրփրող տեսակներ

• Պատմեք «բակտերիաների» արկածների մասին ձեռքի ափերում

• Կազմակերպեք «մաքրության առաքելություն»՝ ում ձեռքերը կհեռացնեն ամենաշատ «թաքնված մանրէներ»

Հիգիենայի այս կարևոր սովորությունը կարող է դառնալ սիրելի ընտանեկան արարողություն, եթե այն ներկայացվի խաղի և խնամքի համադրությամբ։

Ձեռքերը լվանալը փոքր քայլ է երեխայի կողմից, բայց հսկայական ներդրում՝ նրա առողջության և անվտանգության համար։
Սովորեցրե՛ք մաքուր ձեռքերով ապրել, ու նրանք ձեզ շնորհակալ կլինեն ողջ կյանքում։