Զարգացում

Ապլիկացիան ստեղծագործելու մի տեսակ է, որը շատ օգտակար է վաղ տարիքի երեխաների համար: Փոքրիկները պաշտում են կտարտել և սոսնձել թղթի տարբեր կտորներ: Իսկ եթե ծնողները գնեն ապլիկացիայի հավաքածու, ապա անձրևոտ երեկոները հաստատ ձանձրալի չեն թվա:

Ապլիկացիայի առանձնահատկությունը

Առաջին հերթին ապլիկացիան ազդում է փոքրիկի ընդհանուր զարգացվածության վրա: Նա իմանում է, թե ինչպիսին են լինում  գույները և ֆիգուրները, դառնում է ավելի կոկիկ և ուշադիր: Փոքրիկը  նաև ճանաչում է աշխարհը,  զարգացնում ստեղծագործական հմտությունները և  մատների մոտորիկան:

Փոքրիկի հետ խաղը կարող է լինել ոչ միայն զվարճալի և հետաքրքիր,  այլ նաև արդյունավետ: Օրինակ, խաղի միջոցով դուք կարող եք զարգացնել փոքրիկի տրամաբանությունը: Որպեսզի խաղն ունենա ցանկալի արդյունք, չպետք է այն լինի շատ երկար: Եվ հիշե՛ք՝ չի կարելի հանդիմանել փոքրիկին, երբ նրա մոտ ինչ-որ բան չստացվի:

3 տարեկան երեխաները կարողանում են նստել և վարել եռանիվ հեծանիվ, նստել ճոճանակին, խաղում են հասակակիցների հետ։ 3 տարեկան երեխայի համար դժվար չէ միաժամանակ կատարել երկու գործողություն, օրինակ՝ թռչկոտել և ծափ տալ։

Այլ հոդվածներ …