Ինչո՞վ է առանձնահատուկ առավոտյան սեքսը․ մանրամասնում է սեքսապաթոլոգը

«Արական հորմոնը` տեստոստերոնը, առավելագույն քանակությամբ արտադրվում է հենց այդ ընթացքում, իսկ երեկոյան ակտիվությունը նվազում է: Կանանց սեռական հորմոնների քանակն առավոտյան ժամերին մոտ հինգ անգամ ավելին է, քան  օրվա ցանկացած այլ հատվածում»,- ասում է Հայ-ամերիկյան առողջության կենտրոնի սեքսապաթոլոգ, դոցենտ Սևադա Հակոբյանը:    

Բազմաթիվ սեքսոլոգներ համաձայն են, որ առավոտյան սեքսն ինչպես տղամարդու, այնպես էլ կնոջ համար բնութագրվում է հորմոնների ուժեղ արտազատմամբ: Այնուամենայնիվ, տղամարդու մոտ լինում են  առավել սուր և հաճելի զգացողություններ, քանի որ գրգռումն ուժեղ է զգացվում: 

Մասնագետի ընդգծմամբ՝ առավոտյան սիրով զբաղվելն օգնում է աշխատանքում: Շատ ավելի հեշտ է կենտրոնանալ աշխատանքային գործունեության և առաջադրանքների կատարման վրա, եթե դրանք չեն շեղվում կողմնակի մտքերով ու զայրացնող գործոններով: Այն ապահովում է լավ տրամադրություն, ինչն էլ օգնում է երկար ժամանակ ուրախ և դրական մնալ, դրսևորել սթրեսակայունություն: 

Աղբյուրը՝ Սևադա Հակոբյանի ֆեյսբուքյան էջ