ՀՀ առողջապահության նախարարությունը ներկայացրել է, թե ինչ քայլեր է պետք կատարել անպտղության հաղթահարման պետական ծրագրին դիմելու և ծրագրում ընդգրկվելու համար:
Նախ՝ հարկավոր է ընտրել բուժհաստատությունը, որը կարող է լինել «Շենգավիթ» ԲԿ-ն, «Աստղիկ» ԲԿ-ն, «Մոր և մանկան առողջության պահպանման գիտահետազոտական կենտրոն»-ը, «Պտղաբերության կենտրոն»-ը կամ «Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտ»-ը: Ընտրելուց հետո պետք է դիմել տվյալ բուժհաստատություն՝ ներկայացնելով անհրաժեշտ փաստաթղթերը:
Այնտեղ ձևավորված հանձնաժողովը գնահատելու է քաղաքացու կարիքները և համապատասխանությունը ծրագրին: Ըստ գնահատված կարիքների՝ բուժօգնությունը կկազմակերպվի: