Ավելի քան հարյուր բրիտանացի կանայք առեւտրի կենտրոնում ցուցադրաբար կրծքով կերակրել են իրենց մանկիկներին

Մեծ Բրիտանիայի Մանչեստր քաղաքի Trafford առեւտրի կենտրոնի այցելուները դաձել են անակնկալ գործողության վկաները. ավելի քան հարյուր կանայք մանկիկների հետ նստել են այնտեղ եւ սկսել են կրծքով կերակրել նրանց: Ակցիային մասնակցել են տարբեր տարիքի մայրեր, ոմանք եկել Էին ամուսինների հետ, գրում Է The Daily Mail-ը:

Ակցիայի նպատակը եղել Է Առողջության ազգային ծառայության աջակցությամբ հասարակությանը հիշեցնել նորածիններին ավանդական եղանակով կերակրելու անհրաժեշտության մասին:

«Այո՛, ամեն օր չԷ, որ, գալով խանութ, միանգամից այսքան մերկ կրծքեր կտեսնես: Դե, ես այնպես եմ հասկանում, որ սա լավ միջոց Է մարդկանց հասցնելու նրանց կոչի իմաստը: Ես նրանց լիովին պաշտպանում եմ»,- ասել Է խանութի հաճախորդներից մեկը:

Խանութի տնօրինությունը չի խոչընդոտել ակցիայի անցկացմանը, քանի որ մասնակցում Է Կրծքով կերակրման շաբաթին, որը նշվում Է հունիսի 19-ից մինչեւ 25-ը, եւ վերջերս իր տարածքում նորոգել Է մոր եւ մանկան սենյակները:

Արմենպրես