Երեխաների առողջությանը սպառնացող դրոշմապիտակների հարցը կլուծվի․ ԱՆ նախարարի պարզաբանումը

Նրա խոսքով՝ ՊԵԿ-ը նույնպես տեղյակ է խնդրից և արդեն քայլեր է ձեռնարկել այդ ուղղությամբ։ Մոտ 3 ամսից շրջանառության մեջ կդրվեն նոր դրոշմապիտակներ, որոնք պատրաստված կլինեն երեխաների համար անվտանգ նյութերից։ «Դրանք ավելի ամուր կկպչեն ապրանքներին, ինչպես նաև պոկվելու դեպքում կլինեն շատ ավելի փափուկ, և նույնիսկ եթե երեխաները կուլ տան դրանք, ապա վտանգավոր չեն լինի նրանց համար»,-նշել է նախարար՝ հավելելով, որ ՊԵԿ նախագահի հետ պայմանավորվել են նաև աշխատել արտադրողների և ներմուծողների հետ, որպեսզի այդ դրոշմապիտակները փակցվեն այնպիսի տեղերում, որ հեշտությամբ չպոկվեն։

ԱՆ նախարարը միաժամանակ կոչ է անում ծնողներին լինել առավել ուշադիր, որպեսզի երեխաներին հասանելի չլինեն ապրանքների վրա փակցված դրոշմապիտակները։ «Հավաստիացնում եմ, որ կառավարությունը մշտապես ուշադրության կենտրոնում է պահելու երեխաների առողջությունը»,- ֆեյսբուքյան իր էջում գրել է նախարարը։