Հանելուկներ

Այն ի՞նչ իր է՝ դրված տան մեջ,

Որ պատկերդ ես տեսնում իր մեջ:

                                          /Հայելի/

Գեղեցիկ է ու բարետես՝

Գլխին մի փունջ սանրի պես,

Երբ նստում է, դադար առնում,

Իր անունն է միշտ կրկնում:

                                     /Հոպոպ/

Ամբողջ օրը քուն չունի,

Լայն դաշտերում տուն չունի,

Ծաղկից ծաղիկ է թռչում,

Փեթակ ունի, բուն չունի:

                                                               (Մեղու)

Գիշերով է նա լույս տալիս,

Եվ ապրում է ճիշտ մեկ ամիս,

Կիսվում է նախ եւ նորանում,

Կլոր դեմքով՝ աշխարհ գալիս:

                                                              (Լուսին)

Թռչուն անթեւ ու անփետուր,

Բայց շրջում է նա ամենուր,

Նրա համար սահման չկա

Ոչ գետ ու ծով, ոչ լեռ, բլուր:

Մարդուն մոտիկ ու մտերիմ՝

Կենդանի է հավատարիմ,

Հսկում է նա փողոց ու բակ,

Չի ընդունում ոչ մի կաշառք:

                                        /Շուն/

Մի օձ կա մեծ, գույնը կապույտ,
Հա գնում է պտույտ-պտույտ,

Նրանով են սնվում անվերջ
Ծառ ու ծաղիկ, խոտ ու առվույտ:

 Քեզ տանում է վեր ու վար՝ 

Ինչպես հմուտ նավավար, 

Թե իր կոճակը սեղմես, 

Քեզ դարձնում է նա ... ավար: 

/Վերելակ/