***
Բզբզան բզեզը
Բազմել է բազմոցին:
***
Սուտը խորթ է ծառին, ծտին,
Թե ծառ, թե ծիտ դեմ են ստին:
Չգիտեն էլ ծառ ու ծտեր
Հանուն ինչի՞ պիտի ստել:
***
Վարագ, գնա մարագ արի:
Արագ գնա, մարագ արի:
Թե մարագում կարագ գտար,
Կարագը առ, արագ արի:
***
Պերկես-մերկես, արի կրկես:
Չեկար կրկես, դու կզրկես
Հրաշալի քեզ պեսներին
Մեր աննման կրկեսներից:
***
Ստի սուտը ստի տուտ է,
Ստի տուտը՝ ստի ճուտը:
***
Ոչխարները գերերին
Չէին թողնում գելերին:
Գելերն իրենք էին միշտ
Գերում ծույլիկ գերերին...
***
Ով օգնում է, հոգնում է,
Բայց հոգնում է օգնելիս:
Թե օգնելիս են հոգնում,
Գոհ են նաև հոգնելիս:
***
Ովքեր չեկան,՝ չկան:
Ովքեր չկան, չեկան:
***
Պատ պատողը պայտ չի պայտում,
Պայտ պայտողը պատ չի պատում:
Թե պայտողն էլ պատեր պատեր,
Ձիերին ո՞վ պիտի պայտեր: