Հենրիկ Սևան. Բանաստեղծություններ

Թողեց շաքարն ու հացը,

Ելավ կանգնեց դարակին,

Դունչը հասցրեց կարագին:

Համառ իշուկը

Սաստիկ շոգ էր ու ամառ,

Բայց մեր իշուկը համառ

Անշարժ կանգնել էր արտում,

Նույնիսկ աչքը չէր թարթում:

Դեղնակտուցը

Դեղնակտուց մի ճուտիկ,

Թևիկները խատուտիկ,

Ման էր գալիս պարտեզում,

Հետն էլ ուրախ երգ ասում.-

-Ես չեմ սիրում հավիկին,

Ոչ էլ` ոսկե ձվիկին:

Կաղ շունը

Մեր գյուղում կար մի ծեր շուն,

Ամառ լիներ, թե աշուն,

Ճամփի վրա կաղում էր,

Չալ պոչի հետ խաղում էր,

Բայց երբ գյուղով գայլն անցավ,

Կաղալն իսկույն մոռացավ:

Վախկոտ մութը

Մութը սևուկ մի աղջիկ է`

Սև աչքերով, սև մազերով:

Ապրում է նա քարանձավում

Առանց հայրիկ, առանց մայրիկ,:

Դուրս չի գալիս քարանձավից`

Վախենում է նա արևից:

Հենրիկ Սևան