Հիվանդանոց

Առաջարկեք երեխային զգալ իրեն բժշկի դերում, իսկ դուք ստանձնեք պացիենտի դերը: Ընտրեք, թե որտեղ է հարմար պառկել՝ բազմոցին կամ հատակին: Այժմ կարող եք սկսել: Նկարագրեք, թե ինչից եք բողոքում, ախտանշանները կարող են փոխվել՝ գլուխն է ցավում, ձեռքը, ոտքը: Թող բալիկը բուժի ձեզ, վիրակապեր դնի, չափի մարմնի ջերմաստիճանը և այլն:  

Նկարելը երեխայի մոտ զարգացնում է երևակայությունը, գունային համադրումը և օգնում է ավելի լավ ընկալել շրջապատող աշխարհը:

Այսօր սովորում ենք նկարել տարբեր կենդանիներ:

Ամեն, ամեն ինչի մեջ,

Նորն ենք սիրում մենք կյանքում,

Նա մեզ թռիչք է տալիս,

Թև է տալիս ճախրանքում:

Իսկ դու նոր ես, իսկ դու նոր,

Հենց նոր իջար որպես երգ,

Դեռ ձյուներիդ մեջ ճերմակ

Չկա ոչ մի ոտնահետք:

Ու բաժակն իմ աստղացող

Լույսերի մեջ պահած վեր

Ես քո կենացն եմ խմում,

Նորեկ տարի, նոր իմ սեր․․․

Ե՛կ, իմ երկրի զինակից,

Ջահելություն իմ հողի,

Եկ ու փռիր մեր առջև

Նոր հեռուներ, նոր ուղի․․․

Պողպատ ձուլող բանվորի

Պողպատին տուր կարծրություն,

Այգեգործին՝ առատ բերք

Ու բերքերին՝ քաղցրություն:

Ե՛կ, Նոր տարի ու դարձիր

Նոր երազը մեր սրտի,

Տիեզերքները ձևող

Նոր աստղ դարձիր ու հրթիռ,

Դարձիր մարմին առած տենչ,

Դարձիր երգ մի հաղթաձայն

Եվ աշխարհն կամրջող

Խաղաղության ծիածան:

Վահագն Դավթյան

1․ Ուրախ քվեստ

Երեխայի համար պատրաստեք փոքրիկ նվեր և թաքցրեք տան որևէ անկյունում: Գունավոր թղթիկների վրա գրեք հուշումներ, որոնք կօգնեն նրան գտնել իր մրցանակը: Գրառումները դրեք տարբեր վայրերում (բազմոցի վրա, բարձի տակ, խաղալիքի կամ լուսամփոփի մոտ, դարակում) և ուշադիր եղեք, որպեսզի պահպանեք քայլերի տրամաբանությունը: Ասե՛ք բալիկին՝ որտեղից է սկսելու: Նա կսկսի փնտրել և գտած առաջին հուշումը կլինի երկրորդի բանալին, երկրորդը՝ երրորդի: Այսպես շարունակ մինչև կհայտնաբերի «գանձը»։   

2․ Ընտանեկան կտավ

Անհրաժեշտ կլինեն մատիտներ, ֆլոմաստերներ և թուղթ: Նստեք սեղանի շուրջ ու սկսեք նկարել միասին: Օրինակ՝ ձեր երազանքի տունը, որտեղ յուրաքանչյուրը կպատկերի իր սենյակը և կլրացնի բոլորի սիրելի վայրը՝ խոհանոցը կամ հյուրասենյակը:    

3․ Մաթեմատիկան խոհանոցում

Սեղան գցելը կարող եք համատեղել օգտակարի հետ: Ասե՛ք երեխային, որ սեղանին դնի երկու գդալ, երեք բաժակ, զամբյուղից վերցնի հինգ խնձոր կամ էլ ափսեի մեջ դնի չորս թխվածքաբլիթ: Կստանաք այն, ինչ անհրաժեշտ է ձեզ, միաժամանակ փոքրիկն էլ կհմտանա հաշվելու գործում:       

4․ Յուրօրինակ գիրք

Փոքրիկի հետ հավաքեք տարաբնույթ լուսանկարներ, առանձնացրեք պատկերներ և հոդվածներ ամսագրերից: Դրանք սոսնձեք ալբոմի թերթիկներին և յուրաքանչյուրի կողքին գրեք պատմություն: Կարող եք անել նաև հակառակը․ փոքրիկի հետ հորինեք հեքիաթ, գրեք այն ալբոմում և համապատասխան ձևով նկարազարդեք: Այս գործընթացն, իհարկե, երկար ժամանակ կպահանջի, սակայն տարիներ անց կարթնացնի միայն ջերմ հիշողություններ:          

5․Առաջադրանք

Մեծահասակը թղթերի վրա գրում է ուշագրավ առաջադրանքներ, դնում դրանք արկղի մեջ: Երեխան հանում է հերթականությամբ և կատարում գրված առաջադրանքները: Օրինակ՝ բանաստեղծություն է արտասանում բարակ ձայնով կամ նկարում փակ աչքերով:

6․ Վաճառի՛ր 

Ընտանիքի անդամները վերցնում են մեկական առարկա:  Յուրաքանչյուրը փորձում է համոզել մյուսներին գնել իր առարկան, ներկայացնում է՝ ինչպես կարելի է օգտագործել այն, որտեղ և ինչու է կարևոր: 

7․ Արտացոլանք

Ծնողը ցույց է տալիս շարժումներ, իսկ երեխան փորձում է ճշգրտորեն կրկնել նրա հետևից: Ավելի ծիծաղաշարժ կստացվի, եթե երկուսն էլ կանգնած լինեն հայելու առաջ:

Այսօր մենք Ձեզ կներկայացնենք, թե ինչպես կարող եք պատրաստել գեղեցիկ խաղալիք հասարակ ձեռնոցով:

Ամանորի հեքիաթին հավատում և սպասում ենք բոլորս, սակայն, որպես կանոն, մանուկներն ամենից շատն են ոգևորվում այդ կապակցությամբ: