Առյուծը և արջը միս էին գտել, բայց արի ու տես՝ նրանցից ոչ մեկն այդ միսը  կիսելու ցանկություն չուներ։ Սկսում են կռվել իրար հետ։ Արջը չի զիջում առյուծին, առյուծն էլ իր հերթին արջին։ Այնքան են կռվում, որ ուժասպառ են լինում ու թուլացած ընկնում գետնին։ Նույն պահին խորամանկ աղվեսը տեսնում է նրանց արանքում դրված միսը, վերցնում է միանգամից և փախչում։

Մի օր ձկնորսը ձուկ է բռնում: Ձկնիկն առանց վարանելու ասում է.

- Ձկնո՛րս, բաց թող ինձ: Ախր տեսնում ես, ես խոշոր չեմ և ինձանից մեծ օգուտ չես ստանա: Եթե ինձ բաց թողնես, ես կմեծանամ: Եվ երբ այդ ժամանակ բռնես ինձ, քեզ համար ավելի օգտակար կլինի:

Ձկնորսն ուշադիր լսում է ու պատասխանում․

- Հիմար կլինի նա, ով մեծ օգուտի կսպասի՝ ձեռքից բաց թողնելով փոքրը: 

Այստեղ ընթերցողին ներկայացվում է՝ ինչպես ձկնորսը ականջ չի դնում ձկան համոզիչ խոսքերին և դատում խելամտաբար: Նա որոշում է կանգ առնել ու նախընտրում մնալ փոքր, բայց իրական օգուտով, քան սպասել միայն մտքում գոյություն ունեցող մեծին: Այս առակը փոքրիկ դաս է այն մարդկանց համար, որոնք անընդհատ ավելի մեծի ու լավի որոնման մեջ են, ի վիճակի չեն գնահատել իրենց ունեցածը և ուրախանալ փոքր հաղթանակներով: Հիասքանչ է, երբ մարդը փորձում է բարձրանալ, նորը ձեռք բերել, բայց շանսերը պետք է լինեն իրատեսական: Երբեմն շատ ավելի ճիշտ է պահպանել եղածը, քան տրվել երևակայությանը, հաճելի մտքերին և կորցնել ունեցածը:   

Իսկ դուք գիտե՞ք, թե ինչ ընդհանուր բան կա մորթյա ականջակալների, ջրային դահուկների, մրգային պաղպաղակների միջև: Իրարից շատ տարբեր այս իրերը ստեղծել են երեխաները: Իհարկե, մանուկների հեղինակած գյուտերը սրանցով չեն սահմանափակվում: Ամեն տարի ավելի քան 500 հազար երեխա և դեռահաս ստեղծում է նոր բան՝ համակարգչային խաղերից մինչև տեխնիկա:

Փոքրիկներն աղմկում են, հրաժարվում քնել, փորձում հնարավորինս շատ հակառակվել ծնողներին և խաղալ: Տվյալ իրավիճակում երեխայի հետ վիճելու փոխարեն մայրիկն ու հայրիկը կարող են զիջումների գնալ և կազմակերպել հանգիստ խաղեր քնից առաջ, որոնք նաև լավ ժամանակ անցկացնելու հնարավորություն կլինեն։

Տանը փոքրիկ ունենալու պարագայում հարկավոր է ամեն վայրկյան պատրաստ լինել հարցերի տեղարատարափի:

Ի՞նչ հիմնական սկզբունքներով պետք է առաջնորդվել խաղալիք ընտրելիս, ի°նչ խաղալիքներով պետք է խաղան երեխաները տարբեր տարիքներում, որո՞նք են զարգացնող խաղերը և վերջապես ո°րն է համարվում զարգացում. այս և այլ հարցերի պատասխանները կտա  «Երկուսով» հոգեբանական մասնագիտացված կենտրոնի հոգեբան Անուշ Ալեքսանյանը

Խաղալիքը՝ ըստ տարիքի

Երեխայի բնականոն զարգացումը, նրա անձի ձևավորումն անհնար է պատկերացնել առանց խաղերի ու խաղալիքների: Խաղալիքը երեխաների համար այն միջոցն է, որը թույլ է տալիս նրանց հետազոտել շրջապատող աշխարհը, արտահայտել զգացմունքները: Խաղալիքի միջոցով սովորում են նաև շփվել և ճանաչել իրենք իրենց: Խաղալիքը մեծ պահանջարկ ունեցող իր է: Խաղալիքների ընտրությունը լուրջ և պատասխանատու գործ է, քանի որ դրանից է կախված երեխայի տրամադրությունն ու զարգացման ընթացքը: