Հապալասը համեղ է և միևնույն ժամանակ հարուստ B խմբի վիտամիններով, վիտամին C-ով ու մագնեզիումով, որն օգնում է կուտակել էներգիա: Միացնելով հապալասը հակաօքսիդանտներով լի խնձորին և տանձին՝ ապահովում ենք փոքրիկի իմուն համակարգը եռաշերտ պաշտպանությամբ: Այդպիսի խյուս պատրաստելու համար անհրաժեշտ է՝
◾ 5-6 հատ հապալաս
◾ 1 խոշոր կտոր խնձոր
◾ 1 մեծ կտոր տանձ
Պատրաստման եղանակը
1․ Ջուրը հասցրեք եռման, լվացած հապալասը լցրեք ու թողեք միջին կրակին մինչև փափկելը:
2․ Տանձի և խնձորի կտորները, որոնք պետք է լինեն առանց կեղևի, նույնպես կարող եք տեղավորել հապալասի հետ նույն կաթսայում կամ խաշել առանձին կրկին մինչև փափկելը:
3․ Հապալասի հեղուկը դատարկեք որևէ բաժակի մեջ: Պտուղները տանձի և խնձորի հետ սկսեք հարել:
4․ Առանձնացված հեղուկը կարող եք օգտագործել խյուսի խտությունը կարգավորելու համար:
Բարի ախորժակ