«Շենգավիթ» բժշկական կենտրոնի նորածինների ինտենսիվ թերապիայի բաժանմունքի նեոնատոլոգ Արթուր Ջանազյանը պատասխանել է «Իմ փոքրիկ»-ի ընթերցողների հարցերի հերթական խմբաքանակին:
Անուն: Աստղիկ
Հարց: Ես ՌԴ- ում եմ, փոքրիկս 4 ամսական է: Ուտում է միայն կրծքի կաթ: Փոքրիկս համարյա կոլիկներ չուներ: 5 օրառաջ փոքրիկս սկսեց լաց լինել
«Շենգավիթ» բժշկական կենտրոնի նորածինների ինտենսիվ թերապիայի բաժանմունքի նեոնատոլոգ Արթուր Ջանազյանը պատասխանել է «Իմ փոքրիկ»-ի ընթերցողների հարցերի հերթական խմբաքանակին:
Անուն: Աստղիկ
Հարց: Ես ՌԴ- ում եմ, փոքրիկս 4 ամսական է: Ուտում է միայն կրծքի կաթ: Փոքրիկս համարյա կոլիկներ չուներ: 5 օրառաջ փոքրիկս սկսեց լաց լինել
առանց դադարի՝ մոտ 5 ժամ, կուրծք չէր բռնում, ոչ մի կերպ չէինք կարողանում հանգստացնել: Շտապ օգնություն կանչեցինք, ասացին, որ իմ կերածից է ու սրսկեցին թույլ ցավազրկող: 5 րոպեից հանգստացավ, կերավ ու քնեց: Դրանից հետո կանաչ էր կեղտոտում, ու լորձ կար կեղտի մեջ: Բժշկի խորհրդով տալիս եմ նիֆուրոկսազիդ (ստոպդիար). 4 օր է ինչ տալիս եմ: Կեղտը դարձել է դեղին, բայց դեռ լորձ կա մեջը: Կուրծք լավ չի ուտում: Օրինակ՝ երեկ կերել է 8:00, 12:20, 16:40 , 22:30` 10 րոպեով, բայց գիշերները լավ ուտում է 3-4 անգամ արթնանալով ու 15-20 րոպե: Չգիտեմ ինչ անեմ, սնվում եմ խիստ դիետայով, չնայած նրան , որ մինչ այս կերել եմ գրեթե ամեն ինչ, ու ոչ մի խնդիր չի եղել: Խնդրում եմ կօգնե՞ք հասկանամ, թե ինչ է կատարվում: Ո՞նց օգնեմ փոքրիկիս: Ինչու՞ կուրծքս էլ չի սիրում: Կանխավ շնորհակալ եմ:
Պատասխան։ Հարգելի Աստղիկ, կրծքով կերակրելիս շատ կարևոր է, որ ինքներդ լինեք հանգիստ, քանի որ Ձեր լարվածությունը փոխանցվում է երեխային։ Դիետայի առումով խորհուրդ կտամ չօգտագործել սուր հոտով ու համով ուտելիքներ, քանի որ համը և հոտը փոխանցվում է կաթին, և դա կարող է դուր չգալ երեխային։ Շատ կարևոր է նաև Ձեր մարմնի հոտը` սկսած քրտինքից մինչև օծանելիք։ Երեխայի ախորժակի անկումը կարող է կապված լինել նաև որևէ ներքին հիվանդության հետ։ Եթե նա շատ գրգռված է և չի հարմարվում կրծքի, փորձեք կերակրել կթած կրծքի կաթով և վերսկսել ԿԿ, երբ նա կհանգստանա։ Մի լարվեք և խուճապի մի մատնվեք, երեխայի հետ ոչինչ չի պատահի, եթե նա նույնիսկ մի քանի կերակրում բաց թողնի։ Շատ կարևոր է նաև ԿԿ պայմանները, գտեք նա համար առավել հարմար մթնոլորտ, օրինակ շատ տոթ, շատ աղմկոտ, շատ լուսավոր կամ մութ սենյակը կարող է նրան խուճապի մատնել։ Որևէ կոնկրետ կերակրման դիրքը կարող է նրան ավելի հարմար լինել։ Շատ առատ կաթը կամ փոքր ինչ սակավ ու դժվար հոսող կաթը կարող է նրան դուր չգալ։ Փորձեք իմ նշած կետերով ուղղորդվել, և հուսով եմ խնդիրը կլուծվի։
Անուն: Լուսինե
Հարց:Բարև Ձեզ: Ինչպե՞ս կարելի է կտրել կրծքի կաթից 1 տարեկան երեխային: Երեկոյան կրծքի կաթն ինչո՞վ փոխարինեմ:
Պատասխան։ Բարև Ձեզ, հարգելի Լուսինե, 1 տարեկան երեխան պետք է սնվի ընտանեկան սեղանի գրեթե ամեն ինչից, իսկ կրծքով կերակրումը դառնա նրա համար հավելյալ սնունդ։ ԿԿ պետք է դադարեցնել աստիճանաբար, քանի որ դա երեխայի ամենասերտ շփումն է իր մոր հետ, իսկ հոգեէմոցիոնալ պլանում դա նրա պաշտպանության և ապահովության ամենաուժեղ զգացումն է։ Աստիճանաբար փոխարինեք ԿԿ հյութերով և քաղցրահամ պյուրեներով։ ԿԿ 1 տարեկանում այլևս չի բավարարում երեխայի աճող օրգանիզմի պահանջներին, սակայն երբեմն առաջացնում է ուժեղ հոգեէմոցիոնալ կախվածություն երեխայի մոտ, իսկ ցանկացած հոգեէմոցիոնալ կախվածություն պետք է վերացնել աստիճանաբար։
Անուն: Մալվինա
Հարց: Բարև Ձեզ, հարգելի բժիշկ, փոքրիկս 3.5 տարեկան է, մի ամիս է ինչ հազում էր, դիմեցի բժշկի և հանձնեցինք այրան, կղանքի, մեզի անալիզ, նաև լեզվից քսուք վերցրեցին: Պարզվեց, որ երեխայիս մոտ ասկարիդ ճիճու, բորբոքում , սնկային, մեզի մեջ էլ այրան հետքեր կան: Բժիշկը նշանակեց հետևյալ բուժումը ՝ Խեմոմիցին, Մակմիրոր, Լինեքս և Խոֆիտոլ, բուժման տևողությունը 10 օր է: Ուզում եմ իմանալ` արդյո՞ք ճիշտ բուժում է նշանակված և կարիք կա՞ բուժումից հետո նորից անալիզ հանձնել: Նախապես շնորհակալություն:
Պատասխան։ Բարև Ձեզ, հարգելի Մալվինա: Իհարկե, բուժման կուրսից հետո պետք է թեստերը կրկնել, որպեսզի գնահատվի բուժման էֆեկտիվությունը և անհրաժեշտության դեպքում կատարվեն շտկումներ։ Իսկ ինչ վերաբերում է նշանակված բուժման ճշտությանը և ադեկվատությանը, պատասխան տալ չեմ կարող` ելնելով բժշկական էթիկայից և դեոնտոլոգիայից։