«Ինչ լավ է` քեզ հանդիպեցինք, փոքրիկ»

Իմ գեղեցկուհու անունն Էմիլիա է:

Նա արդեն մեկ տարեկան և   չորս ամսական է: Ինքս չեմ սիրում օգտագործել իդեալական բառը, քանի որ անթերի  մարդ  չկա, սակայն  իմ փոքրիկի դեպքում վստահ կարող եմ  ասել, որ նա իդեալական մանկիկ է :

Էմիլիան շատ խելացի է՝կրկնում է յուրաքանչյուր շարժում և  ժեստ,որ   ցուցադրում ենք: Շատ ուրախ բալիկ է իմ փոքրիկը: Սիրում է պարել,  սակայն ոչ բոլոր երաժշտությունների ներքո. նախընտրում է արտասահմանյան  երաժշտութան ոճը: Ժպտերես է ու մարդամոտ,իր գեղեցիկ ժպիտով    զարդարում է թե՛ մայրիկի ու հայրիկի, և թե՛ իրեն     շրջապատող ծանոթ և  դրսում զբոսանքի ժամանակ հանդիպած անծանոթ    մարդկանց օրը:

«Ինչ լավ է`  քեզ հանդիպեցինք, փոքրիկ», - հաճախ Էմիլիային են ասում  ծանոթ, թե անծանոթ մարդիկ, քանի որ բոլորին դրական լիցքեր է հաղորդում:

Նա մայրիկի փոքրիկ օգնականն է:Երբ ես զբաղված եմ  լինում տնային գործերով,  իսկույնեւեթ իր դարակից մի փոքրիկ սրբիչ է  վերցնում և  ինձ  կրկնօրինակելով փոշիներն է մաքրում:

Լսելով իմ  խրախուսանքները,թե առանց իր օգնության գործը գլուխ չէր գա, իրեն շատ   լավ և  կարևոր է զգում:

Էմիլիան շատ ընկրասեր է՝ իր շուրջն է հավաքում մեր բակի երեխանրին և,   չնայած իր փոքրիկ տարիքին, ինչ- որ խաղ է հորինում: Իրենից փոքր բալիկներին շատ նուրբ և  սիրով է վերաբերվում:

Հուսով եմ ,որ պատանի հասակում իր բնավորության գծերը չեն փոխվի և միշտ կօգնեն, քանի որ բարությունն ամենաուժեղ զենքն է: