Ապուրները դրական ազդեցություն են ունենում մարսողական համակարգի աշխատանքի վրա և շաբաթվա կտրվածքով պետք է տրվեն երեխային առնվազն 2-3 անգամ:
Կոնկրետ բանջարեղենային ապուրները պարունակում են մեծ քանակությամբ սննդային մանրաթելեր, որոնց շնորհիվ բարելավվում է աղիների շարժունակությունը։ Իսկ երբ բանջարեղենը համադրվում է մսի հետ, ապա սնունդը վերածվում է սպիտակուցների ու էներգիայի արժեքավոր աղբյուրի: Առաջարկում ենք վերցնել․
- 30 գ հնդկահավի կրծքամիս
- 1 գազար
- 3 հատ կարտոֆիլ
- Քիչ քանակությամբ բազուկ
Այժմ անցեք պատրաստմանը: Հնդկահավի միսը եփեք մոտ 40 րոպե: Եփված միսը բաժանեք փոքր կտորների, որպեսզի երեխային հարմար լինի ուտելը: Միանշանակ կարելի է բալիկին մանր կտորներով սնունդ առաջարկել՝ ծամելու հմտություններն առավել զարգացնելու համար: Կարտոֆիլը գազարի հետ մանրացրեք, իսկ բազուկը քերեք: Բանջարեղենը ևս եփեք ու վերջում ավելացրեք հնդկահավի միսը, ձիթապտղի ձեթը: Երեխայի համեղ ապուրը պատրաստ է:
Բարի ախորժակ